အမျိုးသား အိုင်လ်ဒေါတွေ ဂျိုင်းမွေးမရိတ်တာနဲ့ ပတ်သက်ပြီး ပြင်းပြင်းထန်ထန်ဝေဖန်နေကြတဲ့ Netizen များ

တောင်ကိုရီးယားနိုင်ငံမှာ ကေပေါ့အိုင်လ်ဒေါလုပ်ရတာက လူတွေထင်ထားတာထက်ပိုပြီး ရှပ်ထွေးပါတယ်။ နာမည်ရလာတဲ့ အိုင်လ်ဒေါ တစ်ယောက် ဖြစ်လာတာနဲ့ တစ်ပြိုက်နက် တစ်ဖက်မှာအမြဲ စောင့်ကြည့်နေကြတဲ့ ပရိသတ်တွေကြောင့် တော်တော်လေး စိတ်ရှုပ်ဖို့ ကောင်းလွန်းလှပါတယ်။ 

မကြာသေးမီကလည်း netizen တစ်ယောက်က အမျိူးသားအိုင်လ်ဒေါတွေ ဂျိုင်းမွေး မရိတ်ကြတာနဲ့ပတ်သက်ကြီး ဝေဖန်ပြောဆိုခဲ့ပါတယ်။ 

အဆိုပါ netizen က "ဂျိုင်းမွေးမရိတ်တဲ့ အိုင်လ်ဒေါတွေကို မုန်းတယ် ..  ဘာလို့ ဂျိုင်းမွေး မရိတ်တာလဲနားမလည်ဘူး”ဆိုပြီး စာသားနဲ့ အကြောင်းအရာကို စတင်ခဲ့တာ ဖြစ်ပါတယ် ။

အဆိုပါအကြောင်းအရာကို တင်ပြီးပြီးချင်းမှာပဲ Netizen တွေ အပိုင်း ၂ ပိုင်းကွဲပြီး အငြင်းအခုံတွေ ဖြစ် ခဲ့ကြပါတယ်။ 

Netizen အဖွဲ့တစ်ဖွဲ့က “ ဂျိုင်းမွေးတွေက ရှုပ်နေသလိုပဲ။ မိန်းကလေး အိုလ်ဒေါတွေ လေဆာရောင်ခြည်သုံးပြီးလက်နဲ့ ခြေထောက်က အမွေးအမျှင်တွေကို ရိတ်ကြတာတော့ မြင်ဖူးတယ်။ ယောကျာ်းလေး အိုင်လ်ဒေါတွေထဲမှာတော့ အမွေးရိတ်တဲ့ အိုင်လ်ဒေါ နည်းနည်းပဲ တွေ့ဖူးတယ်။ “ “ဂျိုင်းမွေးရိတ်တဲ့ အိုင်လ်ဒေါတွေကို ပိုသဘောကျတယ်” အမွေးရိတ်သင့်တယ်””သာမန်လူတွေတောင် ဂျိုင်းမွေးရိတ်ကြတာ အိုင်လ်ဒေါတွေက ပိုဂရုစိုက်ပြီးရိတ်သင့်တာပေါ့” “ဂျိုင်းမွေးမရိတ်ရင် ညစ်ပတ်သလို ခံစားရတယ်” စသဖြင့် ဝေဖန်ထားကြတဲ့ မှတ်ချက်တွေ အမြောက်အများ ပေးထားကြပါတယ်။ 

နောက်ထပ်တစ်ဖွဲ့က Netizen တွေကလည်း “ဒါသူတို့လွတ်လပ်ခွင့်ပဲလေ ရိတ်ရိတ် မရိတ်ရိတ်ပေါ့ ..ငါကတော့ ဒါကို မုန်းစရာလို့ မထင်ပါဘူး” “ဂျိုင်းမွေးရိတ်တဲ့ကိစ္စနဲ့ ပြဿနာတက်နေကြတာလား? ဂျိုင်းမွေးမရိတ်တဲ့ယောကျာ်းလေးအိုင်လ်ဒေါတွေမှ အများကြီးပဲ .. ပြဿနာ အကြီးကြီးလို့တော့ မထင်ပါဘူး””သူတို့က ယောကျာ်းလေးပဲလေ ဘာမှမဖြစ်ပါဘူး” “ ဂျိုင်းမွေးရှိရင် ယောကျာ်းပိုဆန်တာမဟုတ်ဘူးလား.. ဘာလို့ ပြဿနာရှာနေကြတာလဲ” စတဲ့ ပြန်လည်ချေပတဲ့ မှတ်ချက်တွေ အများကြီး ပေးထားကြပါတယ်။ 

အိုင်လ်ဒေါတွေရဲ့ ဂျိုင်းမွှေးကိစ္စနဲ့ ပတ်သတ်ပြီး သင်ဆိုရင်ရော ဘယ်လို ခံစားချက်မျိုး ဖြစ်လဲဆိုတာ ပြောခဲ့ပါဦးနော်။ 

Source - Allkpop