အငယ်လေးတွေကို ဝိုင်းထိန်းပေးနေတဲ့ အာကြီးလေးရဲ့ ဗီဒီယိုလေး ဝေမျှပေးလာတဲ့ ပရဟိတမင်းသမီး ခိုင်နှင်းဝေ

ပရဟိတမင်းသမီး ခိုင်နှင်းဝေဟာဆိုရင် အနယ်နယ် အရပ်ရပ်က ကလေးငယ်လေးတွေကို ဂေဟာလေးဖွင့်ပြီး ကာကွယ်စောင့်ရှောက်ပေးနေတဲ့သူဖြစ်ပါတယ်။ ခိုင်နှင်းဝေ ပရဟိတ ဂေဟာမှာ အရွယ်မရောက်သေးတဲ့ နို့စို့အရွယ် ကလေးငယ်လေးတွေကစလို့ အရွယ်ရောက်ပြီးသား ကလေးငယ်လေးတွေအထိ ရှိပါတယ်။ ငယ်ငယ်ကတည်း အချင်းချင်း ရိုင်းပင်းကူညီတတ်အောင် သင်ကြားပြသပေးခြင်း ခံခဲ့ရတဲ့ ပရဟိတ မင်းသမီး ခိုင်နှင်းဝေရဲ့ ကလေးလေးတွေဟာ အချင်းချင်းလည်း အရမ်းကို ချစ်တတ်ကြသူလေးတွေ ဖြစ်ပါတယ်။

ဒီအထဲမှာ ကိုအာကြီးလေးလည်း တစ်ယောက် အပါအဝင်ပဲ ဖြစ်ပါတယ်။ အားကြီးလို့ ချစ်စနိုးနဲ့ခေါ်ကြတဲ့ ခိုင်ထက်ဦးမောင်လေးတစ်ယောက်  သူ့အငယ်လေးတွေကို ကူညီထိန်းကျောင်းပေးနေတဲ့ ဗီဒီယိုဖိုင်လေးကလည်း လူမှုကွန်ရက်စာမျက်နှာပေါ်မှာ နာမည်ကြီးလျက်ရှိပါတယ်။ ဒီဗီဒီယိုလေးကို ပရဟိတမင်းသမီး ခိုင်နှင်းဝေက သူမရဲ့ လူမှုကွန်ရက်စာမျက်နှာပေါ်မှာ “ဗိုလ်အာကြီး ကလေးကူထိန်း” ဆိုတဲ့ ခေါင်းစဉ်လေးနဲ့ ဝေမျှပေးလာခဲ့တာဖြစ်ပါတယ်။

အာကြီးလေးက အစ်ကိုကြီး အဖရာ ဆိုသလိုပဲ အငယ်လေးတွေကို ထိန်းသိမ်းစောက်ရှောက်မှုပေးနေတာ တော်တော်လေး ချစ်ဖို့ကောင်းလှပါတယ်နော်.. အငယ်လေးတွေကို ထိန်းသိမ်းရှောက်မှုပေးနေတဲ့ အာကြီးလေးရဲ့ ချစ်စရာ ဗီဒီယိုလေးကို ပရိသတ်ကြီးအတွက် ဝေမျှပေးလိုက်ပါတယ်။