မေမေ့ မိတ်ကပ်တွေယူလိမ်းပြီး လှချင်နေတဲ့ သမီးငယ်လေး Harperရဲ့ပုံရိပ်လေးတွေ ဝေမျှပေးလာတဲ့ ဗစ်တိုးရီးယားဘက်ခမ်း

ကမ္ဘာကျော် ဘောလုံးသမား ဒေးဗစ်ဘက်ခမ်းနဲ့ ဗစ်တိုးရီးယားဘက်ခမ်းတို့ဟာ အရမ်းကိုချစ်ကြတဲ့ ဇနီးမောင်နှံလေး ဖြစ်ပါတယ်။ သူတို့နှစ်ဦးက သားသမီး ၄ ယောက် ဖွားမြင်ခဲ့ပြီး သားလေးတွေ သမီးလေးတွေကို အရမ်းချစ်ကြတာကြောင့် ပရိသတ်တွေရဲ့ အာရုံစိုက်မှုကို ခံထားရတာ ဖြစ်ပါတယ် ။

အသက် ၄၈ နှစ်အရွယ်ရှိတဲ့ ဗစ်တိုးရီးယားဘက်ခမ်းဟာဆိုရင် မကြာသေးမီက သူမရဲ့ သမီး အငယ်ဆုံးလေးHarper တစ်ယောက် သူမရဲ့ နှုတ်ခမ်းနီတွေနဲ့ အလှပြင်နေတဲ့ ပုံရိပ်လေးကို အင်စတာဂရမ်ကနေတဆင့် ဝေမျှပေးလာခဲ့ပါတယ်။ ဓာတ်ပုံလေးထဲမှာ အမေဖြစ်သူရဲ့ နှုတ်ခမ်းနီကို ပျော်ပျော်ရွှင်ရွှင် ဆိုးပြီး ပျော်နေတဲ့ Harper လေးကို တွေ့ရမှာပါနော်။ 

အသက် ၁၀ နှစ်သာရှိနေသေးပေမယ့် ဖေဖေ ၊ မေမေတို့ရဲ့ အသည်းကျော်လေး Harper လေးကတော့ တကယ်ကိုလှချင်နေပါပြီနော်။ မှန်ကြိုက်ခင်လေး Haper လေးရဲ့ နှုတ်ခမ်းနီလေး ဆိုးနေတဲ့ ပုံရိပ်လေးတွေကို ပရိသတ်ကြီးအတွက် ဝေမျှပေးလိုက်ပါတယ်။