မောင်ဖြစ်သူ သေဆုံးခဲ့တဲ့ အချိန်ကစပြီး အနုပညာလှုပ်ရှားမှုတွေထဲမှာ တက်တက်ကြွကြွ မတွေ့ရတော့တဲ့ Ha Ji-won

တောင်ကိုရီးယားမင်းသမီး Ha Ji-won ဟာဆိုရင် တစ်ခေတ်တစ်ခါက နာမည်ကြီးအောင်မြင်ခဲ့တဲ့ မင်းသမီးတစ်လက်ဖြစ်ပါတယ်။ တည်ကြည်တဲ့ မျက်နှာလေးနဲ့ အရမ်းကို ကျက်သရေရှိလှတဲ့ Ha Ji-won ပါဝင်သရုပ်ဆောင်တဲ့ ဇာတ်လမ်းတွဲတွေထဲမှာ နာမည်အကြီးဆုံးဇာတ်လမ်းတွေက Secret Garden နဲ့ Empress Ki ဇာတ်လမ်းပဲဖြစ်ပါတယ်။  မြန်မာပြည်က ပရိသတ်တော်တော်များများကတော့ သူမကို Empress Ki ဇာတ်လမ်းနဲ့သိခဲ့ကြတာဖြစ်ပါတယ်။

တောင်ကိုရီးယားမင်းသမီး Ha Ji-won ဟာ မောင်ဖြစ်သူ သရုပ်ဆောင် Jun Tae-soo ကွယ်လွန်သွားခဲ့တဲ့ အချိန်ကနေစတင်ပြီး အနုပညာ လှုပ်ရှားမှုတွေမှာ တက်တက်ကြွကြွ ပါဝင်ခြင်းမရှိတော့ပါဘူး။ Ha Ji-won ရဲ့မောင်လေး Jun Tae-soo ဟာဆိုရင် သူ့ရဲ့ ဖခင်ကြီး ကွယ်လွန်သွားပြီး ၂ နှစ်အကြာမှာ သေကြောင်းကြံစည်ခဲ့တဲ့ သူဖြစ်ပါတယ်။

လူအများနဲ့ အမဖြစ်သူ Ha Ji-won ကိုယ်တိုင် Jun Tae-soo ရဲ့ သေဆုံးမှုကို သေကြောင်းကြံစည်မှုလို့ အတည်ပြုပေးထားပါတယ်။ အရမ်းချစ်ရတဲ့ မောင်လေးကို ဆုံးရှုံးခဲ့ရတာကြောင့် မောင်ဖြစ်သူ သေဆုံးသွားတဲ့ အချိန်မှာ Ha Ji-won တစ်ယောက် ဖြေမဆည်နိုင်အောင် ဝမ်းနည်းခဲ့ပါတယ်။ မောင်ဖြစ်သူရဲ့ သေဆုံးမှုက Ha Ji-won အတွက် ဘယ်လောက်ထိ ရိုက်ခတ်သွားလဲဆိုရင် Ha Ji-won ကို အနုပညာ လမ်းကြောင်းထက်ဆီမှာ ထပ်ပြီး မတွေ့ရတော့တဲ့ အထိ ဖြစ်ခဲ့ပါတယ်။

Ha Ji-won ရဲ့ သရုပ်ဆောင်ချက်ကို ပရိသတ်တွေ တော်တော်များများက ကြိုက်နှစ်သတ်ကြတာကြောင့် ငယ်ရွယ်စဉ်အချိန်မှာ ရုပ်ရှင်ဇာတ်လမ်းတွေ အများကြီး ရိုက်ကူးပေးဖို့ မျှော်လင့်ခဲ့ကြပေမယ့် Ha Ji-won ကို အနုပညာ လှုပ်ရှားမှုတွေမှာ သိပ်ပြီး မတွေ့ရတော့ပါဘူး။ Ha Ji-won က လက်ရှိမှာ အသက် ၄၄ နှစ်ရှိသွားပြီပဲဖြစ်ပါတယ်။ ဒါကြောင့် သူမရဲ့ ငယ်ရွယ်မှုကို ပရိသတ်တွေက နှမြောတသဖြစ်နေကြပါတယ်။

မကြာသေးမီအချိန်မှာတော့ Ha Ji-won က Curtain Call ဆိုတဲ့ ဇာတ်လမ်းထဲမှာ ပါဝင်သရုပ်ဆောင်ထားတယ်လို့ သိရပါတယ်။ Ha Ji-won တစ်ယောက် အနုပညာလှုပ်ရှားမှုထက်မှာ အောင်မြင်မှုတွေ ပြန်ပြီး ရရှိလာနိုင်မလားဆိုတာကိုတော့ ဆက်ပြီး စောင့်ကြည့်သွားရမှာဖြစ်ပါတယ်။ ဇာတ်လမ်းကောင်းလေးတွေနဲ့ မျှော်နေပါတယ်နော် မမ Ha Ji-won ရေ ..