ဂျွန်လ ၂၁ ရက်နေ့က BLACKPINK အဖွဲ့ရဲ့ Rose နဲ့ BTS အဖွဲ့ရဲ့ J-Hope တို့ဟာဒိတ်နေကြတယ်ဆိုပြီး သတင်းတွေထွက်လာခဲ့ပါတယ်။ဒါပေမဲ့ ဒိတ်နေတယ်ဆိုပြီး ယူဆတဲ့အချက်တွေကတော့ ဘာမှမခိုင်လုံတဲ့အချက်တွေဆိုပြီး Netizen တွေကပြန်လည်ချေပထားကြပါတယ်။
ကိုရီးယားဆိုရှယ်မီဒီယာတစ်ခုဖြစ်တဲ့ Nate Pann က Post တစ်ခုနာမည်ကြီးပြီးနောက် ဒီလိုမျိုးကောလဟာလတွေ ပြန့်လာတာဖြစ်ပါတယ်။အဲ့ဒီ Post ထဲမှာ ပြင်သစ်စားဖိုမှူး Pierre Sang ရဲ့ Ig Story ကပုံတွေနဲ့ J-Hope တို့တင်ထားတဲ့ ပုံတွေအပြင် စားဖိုမှူးတင်ထားတဲ့ပုံတွေထဲမှာ Rose နဲ့တူတူတွဲရိုက်ထားတဲ့ပုံကတစ်ပုံ၊J-Hope နဲ့တွဲရိုက်ထားတဲ့ပုံတစ်ပုံတို့ ပါဝင်ပါတယ်။
နှစ်ယောက်သားဒိတ်နေကြတယ်လို့ အဓိကယူဆတဲ့အကြောင်းကိုသိရင်တော့ ရယ်မိကြမှာပါ။တင်ထားတဲ့ပုံတွေထဲမှာ သူတို့နှစ်ယောက်ရဲ့ လက်သည်းနီအရောင်ကဆင်တူနေလို့ပါတဲ့။ပြီးတော့အဲ့ဒီလက်သည်းနီရောင်ကအရင်တုန်းကမရှိပဲ ခုမှနှစ်ယောက်စလုံးစီမှာ ရှိနေတာလို့လည်းပြောထားပါသေးတယ်။
အဲ့လိုနဲ့ပဲကောလဟာလတွေမြန်မြန်ပြန့်သွားပြီး နှစ်ယောက်သားဒိတ်နေကြတယ်ဆိုတဲ့ သတင်းတွေကို လျှောက်ဖြန့်ကြပါတော့တယ်။ဒါပေမဲ့ ချက်ချင်းပဲ Netizen တွေနဲ့သူတို့ပရိသတ်တွေက ဒီကောလဟာလကအရမ်းဟာသဆန်နေတယ်ဆိုပြီး သတင်းမှားတွေကိုလိုက်ပိတ်ကြပါတော့တယ်။အဲ့ဒီပွဲမှာ တခြားနာမည်ကြီး Idol တွေလည်းအများကြီးရှိနေပြီး လက်သည်းနီကလည်း ရိုးရိုးတန်းတန်းတိုက်ဆိုင်မှုသာဖြစ်တယ်လို့ ကာကွယ်ပြောဆိုထားကြပါတယ်။
ပြီးခဲ့တဲ့လကလည်း V နဲ့ Jennie တို့နှစ်ယောက်ဒိတ်နေကြတယ်လို့ ကောလဟာလတွေထွက်လာခဲ့ပါသေးတယ်။
သတင်းအရင်းမြစ်: J-Hope and Rose dating? Netizens quickly shut down the rumor on a popular nate pann post
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။
