Han So-hee နဲ့ အတူတွေ့ရတဲ့ ကောင်လေးက သူပါလို့ဆိုလိုက်တဲ့ Moon Sang-min

တောင်ကိုရီးယားမင်းသမီး Han So-hee နဲ့ မင်းသား Song Kang တို့ တွဲနေကြတယ်ဆိုတဲ့ သတင်းတွေ မကြာသေးမီအချိန်က ထွက်ရှိခဲ့တာဖြစ်ပါတယ်။ သတင်းတွေ ထွက်ရှိလာခဲ့တဲ့ အကြောင်းအရင်းကတော့ သူတို့နှစ်ဦးကို ဓာတ်ပုံတစ်ပုံထဲမှာ အတူတူမြင်တွေ့ခဲ့ရလို့ ဖြစ်ပါတယ်။ 

ဓာတ်ပုံထွက်ရှိလာချင်းချင်းမှာပဲ အင်တာနက်ပေါ်မှာ ပျံ့နှံ့သွားပြီး Han So-hee နဲ့ Song Kang တို့ တွဲနေကြပြီဆိုတဲ့ သတင်းတွေ ထွက်လာတာဖြစ်ပါတယ်။

ဓာတ်ပုံထဲကကောင်မလေးက Han So-hee ဆိုတာသေချာပေမယ့် ဓာတ်ပုံထဲကကောင်လေးကတော့ Song Kang ဆိုတာ မသေချာပါဘူး။ ဒါကြောင့် လူတွေဝေခွဲမရ ဖြစ်နေတဲ့ အချိန်မှာပဲ Moon Sang-min က Song Kang နဲ့ Han So-hee တို့ တွဲနေကြတယ်ဆိုတဲ့ ကောလာဟလကို ပယ်ဖျက်ခဲ့တာဖြစ်ပါတယ်။

Moon Sang-min က ဓာတ်ပုံထဲက Han So-hee နဲ့ တွဲရိုက်ထားတဲ့ကောင်လေးက သူဖြစ်ကြောင်း သူတို့နှစ်ဦးက “My Name” ဇာတ်လမ်းတွဲရဲ့  သရုပ်ဆောင်တွေ့စုံပွဲမှာ ဓာတ်ပုံရိုက်ခဲ့တာဖြစ်ကြောင်းကို ပြန်လည်ဖြေရှင်းပေးထားပါတယ်။ လက်ရှိမှာ Moon Sang-min နဲ့ Han So-hee တို့က “My Name” ဇာတ်လမ်းတွဲထဲမှာ အတူတွဲပြီး သရုပ်ဆောင်ထားကြတာဖြစ်ပါတယ်။