ဒီကနေ့မှာ ချစ်ရသူလေးနဲ့ ခမ်းနားတဲ့ မင်္ဂလာပွဲကျင်းပခဲ့ပြီဖြစ်တဲ့ တောင်ကိုရီးယားမင်းသား Yoon Kye Sang

တောင်ကိုရီးယားမင်းသား Yoon Kye Sang ဟာဆိုရင် သူ့ရဲ့ ချစ်ရသူလေးနဲ့ ဒီကနေ့ ဇွန်လ ၉ ရက်နေ့ မှာ ခမ်းနားတဲ့ မင်္ဂလာပွဲ ကျင်းပပြုလုပ်ခဲ့တယ်လို့ သိရပါတယ်။ ကိုဗစ်ကာလကြောင့် မင်္ဂလာပွဲ ကြီးကြီး မလုပ်နိုင်ခဲ့ပေမယ့်Yoon Kye Sang တစ်ယောက်  ဇနီးဖြစ်သူနဲ့ မင်္ဂလာလက်မှတ်ရေးထိုးခဲ့တာ ၂၀၂၁ ခုနှစ်ကတည်းက ဖြစ်ပါတယ်။ 

Yoon Kye Sang ရဲ့အမျိုးသမီးက သူနဲ့ ၅ နှစ်တာ ခင်မင်ခဲ့တဲ့ ဂျူနီယာတစ်ယောက်ဖြစ်တယ်လို့ သိရပါတယ်။သူမက အလှကုန်ပစ္စည်း ပိုင်ရှင် တစ်ယောက်ဖြစ်ပြီး လျို့ဝှက်စွာနေထိုင်တတ်တာကြောင့် Yoon Kye Sang ကသူ့ရဲ့ မင်္ဂလာပွဲဓာတ်ပုံတွေကို တစ်ပုံ မှ ထုတ်မပြထားပါဘူး။ တောင်ကိုရီးယား သရုပ်ဆောင် ၊ အဆိုတော် Yoon Kye Sang ရဲ့ မင်္ဂလာပွဲကို ဆိုလ်းမြို့က Shilla Hotel မှာ ကျင်းပပြုလုပ်ခဲ့တယ်လို့ သိရပါတယ်။ 

တောင်ကိုရီးယား သရုပ်ဆောင် အဆိုတော် Yoon Kye Sang က g.o.d အဖွဲ့ဝင်တစ်ယောက်ဖြစ်ပြီး လက်ရှိမှာ “Kiss Sixth Sense” ဇာတ်လမ်းတွဲမှာ ပါဝင်သရုပ်ဆောင်ထားပါတယ်။ မင်္ဂလာပွဲအတွက် ဂုဏ်ယူပါတယ်နော် အားဂျူးရှီးရေ ..