မြန်မာနိုင်ငံမှာ ကူးစက်မှုများလာတဲ့ အိုမီခရွန်ရောဂါ လက္ခဏာတွေအကြောင်း

ကိုဗစ် - ၁၉ ရဲ့ မျိုးကွဲဗီဇပြောင်း ပိုးတစ်ခုဖြစ်တဲ့ အိုမီခရွန်ရောဂါပိုးဟာ မြန်မာနိုင်ငံကို ကူးစက်ဝင်ရောက်လာပြီပဲဖြစ်ပါတယ်။ အိုမီခရွန်ရောဂါပိုးသစ်ကို အခြားဗီဇပြောင်းပိုး ၄ မျိုးလိုပဲ စိုးရိမ်ရတဲ့ ပိုးဖြစ်ကြောင်း WHO က သက်မှတ်ထားပါတယ်။ အခုနောက်ပိုင်းမြန်မာနိုင်ငံမှာလည်း ကိုဗစ် - ၁၉ ကူးစက်တဲ့လူဦးရေ ပိုမိုများပြားလာပြီး ကူးစက်လာသူတွေထဲမှာ ဗီဇပြောင်းပိုး အိုမီခရွန်ရောဂါပိုးကိုပါ တွေ့ရှိလာရတာကြောင့် သတိပြုနိုင်ရန်အတွက် အိုမီခရွန်ဗီဇပြောင်းပိုးရဲ့ လက္ခဏာတွေကို ဖော်ပြပေးသွားပါမယ်။

အိုမီခရွန်ရောဂါပိုးစပြီးကူးစက်ပြီဆိုတာနဲ့ ၄၈ နာရီအတွင်း အခု လက္ခဏာပြမှာဖြစ်ပါတယ်။ လက္ခဏာတွေက နှာချေလာမယ် ၊ ပင်ပန်းနွမ်းနယ်မယ် ၊ အားမရှိသလို ဖြစ်နေမယ် ၊ လည်ချောင်းယားလာမယ် ၊ ချောင်းခြောက်ဆိုးမယ် ၊ နှာစေးမယ် ၊ ခါးအောက်ပိုင်း နာမယ် ၊ ခေါင်းကိုက်မယ် ၊ ညဘက် ချွေးထွက်များမယ် ၊ ကိုယ်လက်ကိုက်ခဲမယ် ၊ မစားချင်မသောက်ချင် ဖြစ်လာမယ် ။ စတဲ့ လက္ခဏာတွေ ဦးဆုံးပြလာမှာဖြစ်ပါတယ်။ အခုဖော်ပြသွားတဲ့ လက္ခဏာတွေ ဖြစ်နေပြီဆိုရင် လူစုလူဝေးရှိတဲ့နေရာတွေမသွားဘဲ အိမ်မှာပဲ သီးခြားနေထိုင်ဖို့ အကြံပြုပါရစေနော်။

အိုမီခရွန်မှာ နံပါတ် ၁ ၊ နံပါတ် ၂ ၊ နံပါတ် ၃ ဆိုပြီး အဆင့်အလိုက် လက္ခဏာ (၃) မျိုးရှိပါတယ်။

နံပါတ် ၁ အပျော့စား လက္ခဏာက ဖျားမယ်၊ချောင်းဆိုးမယ် ၊ ကိုယ်လက် မအီမသာဖြစ်မယ်။

နံပါတ် ၂ အလယ်အလတ် လက္ခဏာက မျက်စိ နာမယ်၊လည်ချောင်းနာမယ်၊ ခေါင်းကိုက်မယ်။

နံပါတ်(၃) အပြင်းစား လက္ခဏာက အသက်ရှူရ ခက်မယ်၊ မောမယ်၊ တကိုယ်လုံးအသားတွေ အကျောတွေအထိ နာနေမယ်၊ စကား မပြောနိုင်တဲ့အထိဖြစ်မယ်။

အပျော့စားနဲ့ အလယ်အလတ်စားဖြစ်ရင်တော့ အိမ်မှာဘဲ ဆေးသောက်ပြီးကုသလို့ ရပေမယ့် အပြင်းစားလက္ခဏာဖြစ်ပြီဆိုရင်တော့ ဆေးရုံကို အချိန်မီသွားရောက်ကုသဖို့ လိုအပ်ပါလိမ့်မယ်နော်။