မင်းကတော်ငပိရည်လို့ တစ်ချိန်ကနာမည်ကြီးခဲ့တဲ့ ပုစွန်ထုတ်ကြီးကြီးနဲ့ငပိရည်ဖျော်ကို သိကြမယ်လို့ထင်ပါတယ်။ ပုံမှန်ရိုးရိုးငပိရည်တွေနဲ့မတူပဲ ရှယ်ကိတ်တဲ့ပုစွန်ထုတ်ကြီးတွေပါပြီး ဟင်းမလိုလောက်အောင်ကို သူ့တစ်မျိုးနဲ့တင် ထမင်းတစ်အိုးကုန်နိုင်တဲ့ ငပိရည်မျိုးပါ။
အရသာကတော့ တကယ်ကို မင်းကြိုက်စိုးကြိုက်အရသာ မျိုးဖြစ်ပြီး အရည်သွေးအဆင့်မှီတဲ့ Premium ငပိရည်လို့တောင်ပြောလို့ရပါတယ်နော်…
ဆိုတော့ ဒီလိုဈေးကြီးတဲ့ မင်းကတော်ငပိရည်ကို အိမ်မှာ လုပ်စားကြည့်ရအောင်နော်
ပါဝင်ပစ္စည်းများ
_ ပုစွန်ထုတ်၊ ငပိရည်ကျို၊ ခရမ်းချဉ်သီး၊ ငရုတ်သီးစိမ်း၊ ကြက်သွန်ဖြူ၊ ငရုတ်သီးပွအနီ၊ ကြက်သွန်နီ ၊ နံနံပင်၊ ရေအနည်းငယ်၊ အရသာမှုန့်
ပြုလုပ်ပုံအဆင့်ဆင့်
(၁) ပုစွန်ထုတ်များကိုရေဆေးပြီးသေချာ ကိုင်ထားပါ။ခေါင်းဖြုတ်ချင်ရင်ဖြုတ်ပါ၊ မဖြုတ်ချင်ရင်တော့ချီးစင်အောင်ထုတ်ပေးရင်ရပါပြီ။
(၂) ပြီးရင်အခွံမခွာသေးပဲ မီးရဲရဲမှာကင်ထားပါ။ တခြား ခရမ်းချဉ်သီး၊ ငရုတ်သီးစိမ်း၊ငရုတ်သီးအနီပွနဲ့၊ ကြက်သွန်ဖြူ ၊ ကြက်သွန်နီများကိုပါ မီးသွေးမီးဖိုမှာ ကင်ထားပါ။
(၃) ငပိရည်ကို ကျိုပါ၊ ကျိုပြီးသားကောင်းကောင်းဝယ်မယ်ဆိုရင်လည်းရပါတယ်။ ငပိရည်ကျိုပြီးရင် စောနာက မီးဖုတ်ထားတဲ့ အသီးအနှံများကို ဇွန်းနဲ့ချေပြီး ငပိရည်အိုးထဲရောထည့်ပါ။ ပွက်ပွက်ထနေတဲ့ငပိရည်အိုးထဲကို ပုစွန်မီးဖုတ်အခွံနွှာပြီးထည့်ပါ။
(၄) အရသာမှုန့်အနည်းငယ်ထည့်ပြီး နောက်ဆုံးမှာ နံနံပင်လေးအုပ်လိုက်ပါ။
ဒါဆိုရင်တော့ သိပ်ကိုအရသာရှိပြီး ထိမိတဲ့ မင်းကတော်ငပိရည်ကျိုရပါပြီနော်။ ငရုတ်သီးမှုန့်ကြိုက်ရင်တော့ ငရုတ်သီးအကျက်မှုန့်ထည့်ပြီး စားလို့ရပါပြီ။
အရမ်းထမင်းမြိန်လို့လုပ်စားကြည့်ကြဦးနော်…
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။
