အသက်အရွယ်ကြီးလာတာနဲ့အမျှ ပင်ပန်းခြင်း၊ နွမ်းနယ်ခြင်းတွေ ခံစားလာရပါတယ်။ လူလတ်ပိုင်းအရွယ်လောက် ရောက်လာပြီ ဆိုတာနဲ့ ပင်ပန်းနွမ်းနယ်ခြင်းတွေ အဖြစ်များလေ့ရှိပါတယ်။ ဒါပေမယ့်လည်း ပင်ပန်းနွမ်းနယ်ခြင်း တွေ သက်သာစေပြီး အားပြန်လည် ပြည့်ဝစေမယ့် နည်းလမ်းကောင်းတွေ ရှိနေပါတယ်။ ဒီနည်းလမ်းတွေက ပင်ပန်းခြင်းကို သက်သာစေမယ့်အပြင် အိုမင်းခြင်းကိုလည်း နှေးကွေးစေပါတယ်။
ရေများများသောက်ပါ
ရေဓာတ်ခမ်းခြောက်ခြင်းသည် စွမ်းအင်ကို ဆုံးရှုံးစေတဲ့အပြင် ရုပ်ပိုင်းဆိုင်ရာ စွမ်းဆောင်ရည်ကိုလည်း ထိခိုက်စေပါတယ်။ ဒါ့အပြင် ရေဓာတ်ခမ်းခြောက်ခြင်းက နိုးကြားမှုနဲ့ အာရုံစူးစိုက်မှုတို့ကို လျော့ကျစေပါတယ်။
အိပ်ရေးဝဝအိပ်ပါ
အိပ်ရေးမဝခြင်းက မတော်တဆဖြစ်နိုင်ခြေတွေကို တိုးစေပြီး ပင်ပန်းနွမ်းနယ်မှုကို ဖြစ်စေတဲ့ အကြောင်းရင်းတစ်ခုဖြစ်ပါတယ်။ လုံလုံလောက်လောက် အိပ်စက်တဲ့ အလေ့အထက ခန္ဓာကိုယ်ကို ကျန်းမာရေး ကောင်းမွန်စေမှာပါ။
မကြာခဏ စားပါ
နေ့ဘက်မှာ ပေါ့ပေါ့ပါးပါး အစားအစာတွေကို မကြာခဏ စားသုံးခြင်းကလည်း ခန္ဓာကိုယ်ကို ပင်ပန်းမှုဒဏ်ကနေ ကာကွယ်ပေးကာ ကောင်းကျိုးဖြစ်စေပါတယ်။ ဒီလိုစားပေးခြင်းက သွေးတွင်းသကြားဓာတ်အဆင့်ကို တည်ငြိမ်အောင်လည်း ကူညီပေးနိုင်ပါတယ်။
ကိုယ်အလေးချိန်ချပါ
ကိုယ်အလေးချိန်ကို လျှော့ချခြင်းက စွမ်းအင်ကို မြှင့်တင်ပေးနိုင်ပါတယ်။ ခန္ဓာကိုယ်တွင်း အဆီအနည်းငယ်ကို လျှော့ချလိုက်တာက စိတ်ပိုင်းဆိုင်ရာ သန်စွမ်းမှုနဲ့ ရုပ်ပိုင်းဆိုင်ရာအရည်အသွေးကို တိုးတက်စေမှာပါ။ ခန္ဓာကိုယ်အရွယ်အစားကို လျှော့ချခြင်း၊ မျှတတဲ့ အစားအစာစားခြင်းနဲ့ ကိုယ်လက်လှုပ်ရှားမှုကို တိုးမြှင့်ခြင်းတို့က ခွန်အားတွေပြည့်စေပါတယ်။
source - betterhealth
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။
