နေ့တိုင်း မတူညီတဲ့ နေရာတွေကို သွားတဲ့အခါမျိုးမှာ လက်ကနေ ပစ္စည်းအမျိုးမျိုးကို ထိတွေ့ပြီးတော့ အဲဒီနေရာတွေကနေ ဘက်တီးရီးယားတွေ ကို သယ်ဆောင်လာပါတယ်။ ဒီလက်တွေကို ခန္ဓာကိုယ်ရဲ့ အစိတ်အပိုင်းအမျိုးမျိုးမှာ ပြန်လည်ထိတွေ့တဲ့အခါမှာ တော့ ကျန်းမာရေးကို ထိခိုက်စေတာဖြစ်ပါတယ်။ အဲ့ဒီထဲမှာမှ လက်နဲ့လုံးဝမထိသင့်တဲ့ ခန္ဓာကိုယ်အစိတ်အပိုင်း အချို့ ပါဝင်ပါတယ်။
(၁) မျက်လုံး
မျက်လုံးက ခန္ဓာကိုယ်ရဲ့ အရေးကြီးဆုံးအစိတ်အပိုင်းတွေထဲက တစ်ခုဖြစ်ပါတယ်။ မျက်လုံးက နူးညံ့ပြီး စိုစွတ်တာကြောင့် ပိုးမွှားကပ်တွယ်တာ လွယ်ပါတယ်။ ဒါကြောင့် မျက်လုံးတွေကို လက်ဗလာနဲ့ ဘယ်တော့မှ မထိသင့်ပါဘူး။ သန့်ရှင်းတဲ့ရေနဲ့ ဆေးကြောတာမျိုးပဲ ပြုလုပ်သင့်ပါတယ်။
(၂) နား
နားက ဂရုတစိုက်ကိုင်တွယ်ဖို့ လိုအပ်တဲ့ အရေးကြီးတဲ့ အစိတ်အပိုင်းတစ်ခုပါ။ နားရွက်ကို ဖုံးအုပ်ထားတဲ့ အလွှာကလည်း ပါးလွှာပြီး အလွန်ထိခိုက်လွယ်တဲ့အတွက်ကြောင့် အဲ့ဒီက အညစ်အကြေးတွေကို လက်ချောင်းတွေနဲ့ သန့်ရှင်းရေးလုပ်ခြင်းက အလွယ်တကူ ပေါက်ပြဲနိုင်ပါတယ်။ ယားယံတဲ့အခါမျိုးမှာ ဂွမ်းစလေး ဂရုတစိုက်သုံးပြီးတော့ သန့်ရှင်းသင့်ပါတယ်။
(၃) မျက်နှာ
မျက်နှာက ခန္ဓာကိုယ်ရဲ့ အခြားအစိတ်အပိုင်းတွေနဲ့ နှိုင်းယှဉ်မယ်ဆိုရင် အလွန်နူးညံ့သိမ်မွေ့ပါတယ်။ ဒါကြောင့် ရောဂါပိုးတွေက မျက်နှာကို အလွယ်တကူ ထိခိုက်စေနိုင်ပါတယ်။ မျက်နှာကို လက်နဲ့မထိမိအောင် ရှောင်သင့်ပါ တယ်။
(၄) ပါးစပ်
လက်သည်းကိုက်တတ်တဲ့အကျင့်ရှိသူတွေ သတိထားဖို့လိုအပ်ပါတယ်။ ပါးစပ်ကို လက်နဲ့ ကိုင်တွယ်နေမယ်ဆိုရင် ပိုးမွှားတွေအကုန်လုံးက ပါးစပ်ထဲကို ရောက်သွားပါလိမ့်မယ်။
အချုပ်ပြောရရင် လူအများစုက သူတို့ရဲ့ ခန္ဓာကိုယ် အစိတ်အပိုင်းတွေကို လက်နဲ့ကိုင်တွယ်လေ့ရှိပါတယ်။ ဒါက သာမန်ဖြစ်တယ်ဆိုပေမယ့် ကျန်းမာရေးနဲ့ မညီညွတ်တဲ့အလေ့အကျင့်ဖြစ်ပါတယ်။ဒီအလေ့အကျင့်ကနေပဲ ကျန်းမာရေး ဆိုးကျိုးများစွာကို သက်ရောက်စေမှာပါ။
source - latestly
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။
