ပထမဆုံး Angry Birds ဂိမ်းကိုအသစ်ပြန်လည်ထုတ်လုပ်မယ်

အရင်ကလေးဘဝတုန်းကဆော့ခဲ့ကြတဲ့ Classic Angry Birds ဂိမ်းကိုနောက်တစ်ခေါက်ပြန်လည်ထုတ်လုပ်မယ်လို့ Rovio ကုမ္ပဏီကအတည်ပြုလိုက်ပါတယ်။ကုမ္ပဏီရဲ့မန်နေဂျာစကားအရဆို ကြားထဲမှာဘာအခက်အခဲမှမရှိရင်  အဲ့ဒီဂိမ်းဟာ မတ်လ ၃၁ ရက်နေ့မှာထွက်ရှိလာမယ်လို့သိရပါတယ်။

၂၀၁၂ ခုနှစ်ကဂိမ်းအဟောင်းလိုပဲ ဒီဂိမ်းကိုလည်း ပိုက်ဆံပေးဝယ်ပြီးကစားရမှာပါ။ဒီဂိမ်းမှာတော့ အထဲမှာတခြားပစ္စည်းတွေထပ်ဝယ်စရာမလို၊ကြော်ညာတွေလည်းပါမှာမဟုတ်ပဲ အရင်ဂိမ်းကိုဆော့ရတဲ့ခံစားမူအတိုင်းရရှိစေမယ်လို့သိရပါတယ်။ကျသင့်ငွေကတော့ ၀.၉၉ ဒေါ်လာသာရှိတာကြောင့် မြန်မာငွေ ၂၀၀၀ လောက်သာကျသင့်မှာဖြစ်ပါတယ်။အရင်ဂိမ်းမှာတုန်းက ပိုက်ဆံပေးဝယ်ရတဲ့ Mighty Eagle ကြီးကို ဒီမှာတော့အခမဲ့ရရှိမှာပါ။အဲ့ကောင်ကြီးဟာ အစွမ်းကြီးလွန်းတာမလို့ level တွေအားလုံးကိုသူတစ်ကောင်တည်းနဲ့ အပြတ်ရှင်းနိုင်တဲ့ကောင်ကြီးပါ။

ဟိုးအရင်ကတည်းက မိုဘိုင်းဂိမ်းတွေကိုဆော့လာကြသူတွေဆို Angry Birds ဂိမ်းတွေက ဘယ်လောက်ဆော့လို့ကောင်းလဲဆိုတာသိကြမှာပါ။ဒါပေမဲ့အဲ့အချိန်တုန်းက Rovio ကဂိမ်းတွေကိုအခမဲ့ပေးဆော့ပြီး ကြော်ညာတွေအများကြီးကြည့်ခိုင်းခဲ့တာကြောင့် နောက်ပိုင်းမှာ ကစားသူတော်တော်များများကို ဆုံးရှုံးခဲ့ရပါတယ်။

ဒီဂိမ်းဟာနဂိုပုံစံအတိုင်းထွက်လာမယ်ဖြစ်တာကြောင့် ရုပ်ထွက်ကလည်း Classic ပုံစံလေးပဲလာမှာဖြစ်တာကြောင့် အရင်လိုဂိမ်းဆော့ရတဲ့ခံစားမူကို ပြန်လည်ခံစားရမှာဖြစ်ပါတယ်။ကြားထဲမှာလည်း ဘာအခက်အခဲမှမရှိလောက်ဘူးလို့ ခန့်မှန်းရတာကြောင့် မတ်လ ၃၁ ရက်နေ့ထွက်လာမယ်ဆိုတာ သေချာသလောက်ရှိပါတယ်။ကုန်ကျဖို့လည်း သိပ်မများတာမလို့ ထွက်လာချိန်ကျမှ ဂိမ်းလေးကိုဝယ်ဆော့ပြီး အရင်တုန်းကဆော့ခဲ့ရတဲ့အမှတ်တရလေးတွေကို ပြန်ခံစားကြည့်လိုက်ကြပါဦး။