Elden Ring ကို PS1 ရုပ်ထွက်နဲ့ De-make ဗားရှင်းတစ်ခုဖန်တီးထား

PlayStation One ဆိုတာထွက်ခဲ့တာနှစ်ပေါင်းများစွာကြာလွန်းလို့ ခုဆိုရင် PlayStation 5 ထိပါထွက်ထားခဲ့ပြီးပါပြီ။အဲလို့ PS စီးရီးကတစစတိုးတက်လာတာနဲ့အမျှ ဂိမ်းတွေရဲ့ရုပ်ထွက်တွေကလည်း အရင်ကထက် ပိုပိုပြီးတော့ကောင်းလာကြပါတယ်။ဒါပေမဲ့ဘယ်လိုပဲ ဘာတွေအရမ်းကောင်းလာပါစေ ဟိုးတုန်းကပုံရိပ်လေးတွေကိုပဲ ပြန်မြင်ယောင်လိုကြသူတွေရှိပါတယ်။

အဲ့လိုလူတွေဟာ ခုနောက်ပိုင်းမှထွက်လာတဲ့ ဂိမ်းအသစ်တွေကို De-make ပြုလုပ်ပြီး Classic ဆန်ဆန်ရုပ်ထွက်တွေ၊ဂိမ်းဆော့ရတဲ့အတွေ့အကြုံတွေကို ပြန်ခံစားကြပါတယ်။De-make ဆိုတာကတော့ PS4 ပေါ်ကလို ရုပ်ထွက်အကြမ်းကြီးတွေနဲ့ဂိမ်းတွေကို PS1 ရုပ်ထွက်ဖြစ်အောင်ပြုပြင်လိုက်တာပါ။အဲ့လိုမျိုး De-make လုပ်ခံရတဲ့ဂိမ်းတွေထဲမှာမကြာသေးမှီကမှ ထွက်ရှိခဲ့တဲ့ Elden Ring ဆိုတဲ့ဂိမ်းလည်း တစ်ခုအပါအဝင်ပါပဲ။

FromSoft ရဲ့ပထမဆုံး open-world ဂိမ်းဖြစ်တဲ့ Elden Ring ဟာ မထွက်ခင်ကတည်းက ကစားသမားတွေအစောင့်မျှော်ဆုံးဂိမ်းအဖြစ် သတ်မှတ်ခံခဲ့ရပြီး ထွက်လာချိန်မှာလည်း Review ကောင်းတော်တော်များများကိုရရှိခဲ့ပါတယ်။လန်ဒန်အခြေစိုက် 3D နဲ့ VFX ပညာရှင် Hoolopee ကတော့ Elden Ring PS1 De-make ကိုအောင်မြင်နေတဲ့ De-make ဂိမ်းစာရင်းထဲကိုထည့်ထားခဲ့ပါတယ်။သူဟာ PS1 ဗားရှင်းနဲ့ PS4 ဗားရှင်း Trailer ကိုတွဲဖို့အချိန်တစ်လလောက်ယူခဲ့ရတယ်လို့သိရပါတယ်။

သူဘယ်လိုမျိုးဖန်တီးခဲ့ရတယ်ဆိုတာကိုလည်း behind the scene ပုံတွေကိုမျှဝေထားခဲ့ပါတယ်။PS1 ဗားရှင်းရဲ့ pixel တုံးလေးတွေနဲ့ အရောင်တောက်နေတဲ့ရုပ်ထွက်လေးက တော်တော်မိုက်ပြီး ကြည့်ရတာမျက်စိပဒေသာဆန်ပါတယ်။ဟိုးအရင်တည်းက PS1 ပေါ်မှာ ဂိမ်းတွေအသည်းအသန်ဆော့ခဲ့ကြသူတွေအတွက် အရင်ချိန်တွေကိုပါပြန်သတိရစေမှာပါ။