ယနေ့ခေတ် အာဖရိကဆင် ၁၀ ကောင်ခန့်နဲ့ ညီမျှတဲ့ ဒိုင်နိုဆော

လွန်ခဲ့တဲ့ လေးနှစ်က အာဂျင်တီးနားနိုင်ငံ Patagonia ဒေသမှာ နေအိမ်အနောက်ရှိ သဲကန္တာရမြေကနေ မျိုးသုဉ်းပျောက်ကွယ်သွားတဲ့ ဒိုင်နိုဆောတစ်ကောင်ရဲ့ ရုပ်ကြွင်းကို အမျိုးသားတစ်ဦးက ရှာဖွေတွေ့ရှိခဲ့ပါတယ်။ အရင်ကလည်း အဲ့ဒီဒေသမှာ တိရစ္ဆာန်တွေရဲ့ ရုပ်ကြွင်းကို မကြာခဏရှာတွေ့တာတွေရှိခဲ့တာပါ။ ဒါပေမယ့် အခုရုပ်ကြွင်းကတော့ တွေ့ရှိခဲ့တဲ့ အထဲမှာ ဆိုးဆိုးရွားရွား ပျက်စီးနေခြင်းမရှိဘဲ အကောင်းတိုင်းရှိနေတာပါ။

အဆိုပါ ဒိုင်နိုဆောဟာ အန္တာတိကတိုက်အပါအဝင် တိုက်ကြီးအားလုံးတွင် လွန်ခဲ့တဲ့ နှစ်သန်းပေါင်း ၁၀၀ ခန့်က နေထိုင်ခဲ့ကြတာပါ။ အထူးသဖြင့် တောင်ပိုင်းဒေသများမှာ ပေါများနေပုံရပါတယ်။ ရုပ်ကြွင်းကတော့ အရွယ်ရောက်ပြီးတဲ့ အနေအထားကို ရောက်ရှိနေတာကြောင့် အရှည်က ၁၂၂ ပေလောက်တောင်ရှိပါတယ်။

အရိုးအရွယ်အစားအရ ဒီကောင်ဟာ တန် ၇၀ အလေးချိန်ရှိပြီး ယနေ့ခေတ်အလေဆုံး အာဖရိကဆင်နှင့် နှိုင်းယှဉ်ရင်တော့ ၁၀ ကောင်ခန့်ဖြင့် ညီမျှတယ်လို့ သုတေသီများက ခန့်မှန်းထားပါတယ်။ လက်ရှိမှာတော့ အဆိုပါရုပ်ကြွင်းကို  တောင်အမေရိကရဲ့ တောင်ဘက်အစွန်ဆုံးရှိ တိရစ္ဆာန်မွေးမြူရေးခြံကနေ တူးဖော်ရရှိတဲ့ ရုပ်ကြွင်း ၈၄ ကောင် နှင့် အတူ မန်ဟက်တန်ရှိ အမေရိကန် သဘာဝသမိုင်းပြတိုက်မှာ ပြသထားပါတယ်။

သတင်းအရင်းမြစ်: Source - us.pahilopahilonews