သားသမီးအချောလေးတွေကို ထုတ်ကြွားနေတဲ့ ဖေဖေဒေးဗစ်ဘက်ခမ်း

‌တစ်ခေတ်တစ်ခါက ဖရီးကစ် ကန်ချက်တွေနဲ့ နာမည်ကျော်ကြားခဲ့ပြီး အခုအချိန်ထိ ဖက်ရှင်ခပ်မိုက်မိုက်တွေနဲ့ ပရိသတ်ကို ဖမ်းစားထားသူ ၊ ဘောလုံးဝါသနာရှင်ပရိတ်သတ်တိုင်းသာမက ဘောလုံးအားကစားကိုသဘောမကျသူတွေကအစ အားပေးချစ်ခင်ကြရတဲ့ ကမ္ဘာကျော် ဘောလုံးကစားသမားဆိုရင်တော့ ဒေးဗစ်ဘက်ခမ်း ကိုပဲ ရည်ညွှန်းရမှာပါ။

ဒေးဗစ်ဘက်ခမ်း ဟာ ဘောလုံးအားကစား မှာ ထူးချွန်သူဖြစ်ရုံသာမက အိမ်ထောင်ရေးဘက်မှာလည်း အောင်မြင်သူဖြစ်တဲ့အပြင် မိသားစုအပေါ်အလေးပေးမှုကြောင့် ကောင်းသတင်းဖြင့် နာမည်ကျော်ကြားလေ့ရှိပါတယ်။ အိမ်ထောင်ရေးမှာလည်း ကောင်းမွန်ပျော်ရွှင်စရာ မိသားစု ကိုပိုင်ဆိုင်ထားတဲ့ ဒေးဗစ်ဘက်ခမ်း ဟာ အမိုက်စား ဇနီး ကို ပိုင်ဆိုင်ထားရတဲ့အပြင် ခပ်ချောချော သား(၃)ယောက် နဲ့ သမီး (၁)ယောက်ကို ပိုင်ဆိုင်ထားသူတစ်ဦးဖြစ်ပါတယ်။

အခုအခါမှာလည်း ဒေးဗစ်ဘက်ခမ်း က သူ့ရဲ့ မိသားစုနဲ့ အတူ မက်ဆီကိုနိုင်ငံသို့ ရောက်ရှိနေပြီး သူ့ရဲ့ သားနဲ့ သမီးပုံတွေကို သူ့ရဲ့ အင်စတာဂရမ်မှာတင်လာခဲ့ပါတယ်။ သား ၊ သမီး ဖြစ်သူတို့ရဲ့ နုနယ်ပျိုရွယ်ပြီး ချစ်စရာကောင်းတဲ့ပုံတွေကို သူ့ရဲ့ အင်စတာဂရမ်မှာတင်ကာ ကြွားရုံတင် အားမရဘဲ သား၊ သမီးတွေနဲ့ တန်းတူလိုက်နုပျိုနေတဲ့ ဒေးဗစ်ဘက်ခမ်း ဟာ ဖခင်မေတ္တာဘယ်လောက်တောင်ပြည့်ဝနေလဲဆိုတာကို ပရိသတ်ကြီး ကြည့်ရှုနိုင်စေရန်ဖော်ပြပေးလိုက်ရပါတယ်။