ကြယ်ငါးတွေမှာ ဦးနှောက်မရှိဘူးဆိုတာ သင်သိပါသလား ..?

ကျွန်တော်သိထားတဲ့ သမုဒုရာအကြောင်းက ၅ ရာခိုင်လောက်ပဲ ရှိပါတယ်။ တကယ်တော့  သမုဒုရာဆိုတာက ကျွန်တော်တို့တွေ မဖြေရှင်းနိုင်သေးတဲ့ လျှို့ဝှက်ဆန်းကြယ်မှုတွေနှင့် ပြည့်နှက်နေတဲ့ နေရာတစ်ခုပါ။ အဲ့ဒီထဲမှာ နေ့စဉ်အမျှ မျိုးစိတ်အသစ်တွေလည်း များစွာတွေ့ရပြီး ရှာဖွေတွေ့ရှိခဲ့တဲ့  မျိုးစိတ်များကလည်း မယုံနိုင်စရာ ဖြစ်ခဲ့ရပါတယ်။ အဲ့ဒီထဲမှာ ထူးခြားတဲ့ မျိုးစိတ်တစ်ခုကတော့ ပင်လယ်ကြယ်လို့ လူသိများတဲ့ ကြယ်ငါးပါ။

ကြယ်ငါးက သမုဒ္ဒရာရဲ့ အလှဆုံးသတ္တဝါများထဲက တစ်ခုဖြစ်ပါတယ်။ သုတေသနရဲ့ ရှာဖွေခဲ့တဲ့ မှတ်တမ်းများအရ ကြယ်ငါးက မျိုးစိတ်ပေါင်း ၂၀၀၀ ကျော်လောက်ရှိကြပါတယ်။ ဒါကြောင့်  သူတို့ကို အရောင်အသွေး၊ အရွယ်အစားနှင့် ပုံသဏ္ဍာန်အမျိုးမျိုးဖြင့် တွေ့ရတာ ဖြစ်ပါတယ်။ ကြယ်ငါးတွေရဲ့ အံ့အားသင့်စရာတွေကတော့ သူတို့ဟာ ပြန်လည်ထူထောင်နိုင်တဲ့စွမ်းရည်ရှိခြင်း ၊ သွေးမရှိ ခြင်း နှင့် ဦးနှောက်မရှိခြင်းတို့ ဖြစ်ပါတယ်။

(၁) ပြန်လည်ထူထောင်နိုင်ခြင်း

ကြယ်ငါးတွေဟာ သူတို့ရဲ့ ခြေလက်တွေ ဆုံးရှုံးသွားတဲ့အခါမှာ ပြန်လည်ပေါက်ဖွားနိုင်တဲ့ စွမ်းရည်ရှိကြပါတယ်။ ဒါပေမယ့် အဲ့သလို ပြန်လည်ပေါက်ဖွားတဲ့ လုပ်ငန်းစဉ်ဟာ နှေးကွေးပြီး ခြေလက်တွေ အပြည့်အဝပြန်လည်ရှင်သန်ဖို့ဆိုရင် ကြယ်ငါးတစ်ကောင်အတွက် နှစ်နဲ့ချီကြာမြင့်ပါတယ်။

(၂) သွေးမရှိခြင်း

ကြယ်ငါးတွေဟာ သွေးလည်ပတ်မှု လုံးဝမရှိတဲ့ သတ္တဝါတွေထဲက တစ်ခုဖြစ်ပါတယ်။ သူတို့ရှင်သန်ဖို့အတွက်  ပင်လယ်ရေငန်ကို အသုံးပြုကြပါတယ်။ အရှင်းဆုံးပြောရရင် အဲ့ဒီပင်လယ်ရေငန်ဟာ ကြယ်ငါးတစ်ကောင်လိုအပ်တဲ့ အာဟာရကို ထောက်ပံ့ပေးပါတယ်။ ဒါကြောင့်  ရှုပ်ထွေးလွန်းတဲ့ သွေးလယ်ပတ်မှုစနစ်ကိုတော့ သူတို့အတွက် လုံးဝမလိုအပ်တာပါ။

(၃) ဦးနှောက်မရှိခြင်း

ကြယ်ငါးတွေက တကယ်တော့ ဦးနှောက်မရှိကြတဲ့ ရေနေသတ္တဝါပါ။ ဒါပေမယ့် သူတို့မှာ ဆုံးဖြတ်ချက်ချနိုင်တဲ့ ရှုပ်ထွေးတဲ့ အာရုံကြောစနစ်တော့ရှိပါတယ်။ အဲ့ဒီ အာရုံကြောစနစ်ကတော့ ပါးစပ်တစ်ဝိုက်အနားမှာ ရှိတာ ဖြစ်ပါတယ်။

သတင်းအရင်းမြစ်: Source - passportocean