အမြင့် ၄ ပေအထိခုန်နိုင်ပြီး လေထဲမှာ ၁၆၀ ပေလောက် ပျံသန်းနိုင်ကြတဲ့ ငါးပျံများ

Exocoetidae လို့အမည်ရတဲ့ လေပေါ်ပျံသန်းနိုင်တဲ့ ငါးပျံလေးတွေကို သင်မြင်တွေ့ဖူးကြမယ်လို့ ထင်ပါတယ်။ ဒီငါးလေးတွေဟာ ကမ္ဘာတစ်ဝှမ်းရှိ ပူနွေးတဲ့ သမုဒ္ဒရာရေပြင်များမှာ နေထိုင်ကြပြီး မျိုးစိတ်ပေါင်း ၇၀ လောက်ရှိကြပါတယ်။ သူတို့ရဲ့ ခန္ဓာကိုယ်တစ်ခုလုံးက ချောမွေ့နေပြီး လေထဲမှာ ပျံသန်းနိုင်တဲ့ အတောင်ပံသဏ္ဍာန်တူ သေးငယ်တဲ့ ရေယက်များပါရှိကြပါတယ်။

အချို့ငါးပျံတွေမှာတော့ တင်ပါးဆုံမှာ အတောင်များပါရှိကြပြီး သူတို့ကို လေးတောင်ပျံငါးလို့ လူသိများကြပါတယ်။ အဆိုပါ ငါးတစ်ကောင်ဟာ ရေထဲကနေ  ၄ ပေ (၁.၂ မီတာ) အထိ ခုန်နိုင်ပြီး လေထဲမှာ ၁၆၀ ပေ (၅၀ မီတာ) အထိ ပုံမှန်ပျံဝဲနိုင်ကြပေမယ့်လည်း တကယ်တော့ သူတို့ဟာ  အမြင့်ပေ ၁၂၀၀  (၃၆၆ မီတာ) ကျော်ကို ဖြတ်ကျော်ဖို့ မြန်နှုန်း ၄၀ မိုင် (၆၄  ကီလိုမီတာ) ဖြင့် ဖြတ်သန်းနိုင်ကြပါတယ်။

 ဒီလိုပျံသန်းခြင်းကို သားကောင်များရဲ့ ခြိမ်းခြောက်မှုကို ခံရတဲ့ အခါတွေမှာ လွတ်မြောက်ဖို့အတွက်  ရေထဲကနေ ခုန်တက်ပြီး အတောင်များဖြန်ကာ လေထဲမှာ ပျံဝဲသွားကြတာ ဖြစ်ပါတယ်။ ဒါဟာ ငါးတစ်ကောင်အတွက်တော့ တော်တော်ကို အထင်ကြီးစရာကောင်းတယ်လို့ ပြောလို့ရပါတယ်။

သတင်းအရင်းမြစ်: Source - nhm.ac.uk