၁၇ ရာစု သင်္ချိုင်းကနေ တွေ့ရှိခဲ့တဲ့ သွေးစုပ်ဖုတ်ကောင်ရဲ့ ရုပ်ကြွင်း

ပိုလန်နိုင်ငံ၊ Pień မြို့ရှိ ၁၇ ရာစုသင်္ချိုင်းမှာ ရှေးဟောင်းသုတေသနပညာရှင်များက “အမျိုးသမီးသွေးစုပ်ဖုတ်ကောင်” လို့ ယူဆရတဲ့ ရှေးဟောင်း ရုပ်ကြွင်းတစ်ခုကို ရှာဖွေတွေ့ရှိခဲ့ပါတယ်။ အဆိုပါ ရုပ်ကြွင်းတွေကို ပရော်ဖက်ဆာ Dariusz Poliński နှင့် Nicolaus Copernicus University မှ သုတေသီအဖွဲ့တစ်ဖွဲ့က စတင်တွေ့ရှိခဲ့တာ ဖြစ်ပါတယ်။

ထူးခြားတာကတော့ ဒီအမျိုးသမီး ရုပ်ကြွင်းရဲ့ ခြေချောင်းများမှာ သော့ခလောက်များပါရှိတာဖြစ်လို့ သူမသေဆုံးချိန်မှာ သွေးစုပ်ဖုတ်ကောင်တစ်ဦးလို့ သတ်မှတ်ခဲ့ကြတာ ဖြစ်ပါတယ်။ ပြီးတော့ ဦးခေါင်းခွံမှာလည်း ဆွေးမြည့်နေတဲ့ ပိုးသားဦးထုပ်ဆောင်းထားတာကိုတွေ့ရပြီး ဒါဟာ လူနေမှုအဆင့်အတန်း မြင့်မားတဲ့ သူထဲက ဖြစ်ကြောင်း သက်သေးပြနေတာပါ။

Smithsonian မဂ္ဂဇင်းမှာ ဖော်ပြတာကတော့ ၁၁ ရာစုက အရှေ့ဥရောပတစ်ခွင်မှာ နေထိုင်သူများဟာ သေဆုံးသွားသူတွေကို မြှုပ်နှံတဲ့ အခါမှာ ရုပ်အလောင်းတွေကို သော့များခတ်ပြီး မြေမြှုပ်ကြပါတယ်။ ဒီလိုမြှုပ်နှံရခြင်းဟာ “ သေဆုံးသွားသော လူတချို့ဟာ ကြောက်စရာကောင်းတဲ့ သွေးစုပ်ဖုတ်ကောင် ဖြစ်လာနိုင်တယ်”ဆိုပြီး ယူဆခဲ့ကြတယ်လို့ ဆိုပါတယ်။

 သွေးစုပ်ဖုတ်ကောင်တွေ အရင်တုန်းက တကယ်ရှိခဲ့လားမသိရပေမယ့် ဒီအယူအဆတွေ လွှမ်းမိုးခဲ့တာကတော့ ရှိခဲ့ပါတယ်။ ကျွန်တော်အထင်ကတော့ ဒီရုပ်ကြွင်းဟာ သွေးစုပ်ဖုတ်ကောင်ဖြစ်နိုင်တာထက် ပြစ်ဒဏ်ကျခံသူကို ဒဏ်ခတ်တဲ့အနေနဲ့ သော့ခတ်ပြီး အရှင်လတ်လတ် မြေမြှုပ်ခဲ့တာလို့ ယူဆမိပါတယ်။ သင်တို့ရော ဒီရုပ်ကြွင်းကို ဘယ်လိုမြင်မိလဲ ဆိုတာကို ပြောခဲ့ပါဦး။

သတင်းအရင်းမြစ်: Source - pahilopahilonews