လူပေါင်း ၆၀,၀၀၀ ခန့်လောက် ပင်လယ်ထဲတည်းခိုနိုင်မယ့် ရေပေါ်မြို့တော်

အီတလိ ဒီဇိုင်းဗိသုကာကုမ္ပဏီ PIERPAOLO LAZZARINI မှ အနာဂတ်မှာ လူဦးရေ ၆,၀၀၀၀ လောက်အထိ တည်းခိုနိုင်တဲ့ Pangeos လို့ နာမည်ပေးထားတဲ့ လိပ်ပုံသဏ္ဍာန် ဇိမ်ခံသင်္ဘောကြီးတစ်စင်းကို တည်ဆောက်သွားမယ့် ဒီဇိုင်းပုံစံကို ထုတ်ဖော်ပြသလာခဲ့ပါတယ်။

သင်္ဘောကြီး Pangeos ဟာ အရွယ်အစားအရ အတော်လေးကို ကြီးမားတာဖြစ်လို့ အထဲမှာ ဟိုတယ်တွေ၊ စျေးဝယ်စင်တာများ၊ ပန်းခြံများအပါအဝင် သင်္ဘောဆိပ်ကမ်းနှင့် ပင်လယ်ထဲ ဧည့်သည် ၆,၀၀၀၀ ခန့် တည်းခိုနိုင်တဲ့ အခြားအဆောက်အဦးများစွာပါဝင်တဲ့ ရေပေါ်မြို့တော်တစ်ခုလည်း ဖြစ်ပါတယ်။

အနာဂတ်မှာ တောက်ပလာမယ့် Pangeos သင်္ဘောကြီးဟာ  အလျား ၅၅၀ မီတာ ( ၁၈၀၀ ပေ ) နှင့် အနံ ၆၁၀ မီတာ ( ၂၀၀၀ ပေ) ထိရှိပါတယ်။ လိပ်ပုံသဏ္ဍာန် သင်္ဘောကြီးဟာ ကမ္ဘာပေါ်မှာ တည်ဆောက်ခဲ့သမျှထဲမှာ အကြီးဆုံး အဆောက်အဦ ဖြစ်လာမှာပါ။

Pangeos မှာ မြင်းကောင်ရေ ၁၆,၈၀၀ စွမ်းရည်ရှိတဲ့ HTS အင်ဂျင် ၉ လုံးတပ်ဆင်ထားတာဖြစ်လို့ အမြန်နှုန်း 5 knots ဖြင့် မောင်းနှင်နိုင်မှာ ဖြစ်ပါတယ်။ ရွက်လွှင့်နေစဉ်မှာလည်း ကြီးမားတဲ့ အတောင်ပံများဟာ လှိုင်းဘရိတ်များမှ စွမ်းအင်ရရှိမည်ဖြစ်ပြီး Pangeos ဟာ ကမ္ဘာမြေပြင်ပင်လယ်ပြင်တစ်ဝိုက်မှာ ဓာတ်ငွေ့ထုတ်လွှတ်မှုမရှိဘဲ စဉ်ဆက်မပြတ် ဖြတ်သန်းသွားမှာ ဖြစ်ပါတယ်။

ဒါ့အပြင် အိမ်ခေါင်မိုးပေါ်ရှိ ဧရိယာအား လျှပ်စစ်ဓာတ်အားပေးဖို့အတွက် လိုအပ်တဲ့ စွမ်းအင်များပေးစွမ်းနိုင်တဲ့ ဆိုလာပြားများတပ်ဆင်ထားမှာ ဖြစ်ပါတယ်။ Pangeos သင်္ဘောကြီးကို တည်ဆောက်ဖို့ ခန့်မှန်းခြေ ဒေါ်လာ ၈ ဘီလီယံလောက် ကုန်ကျမှာဖြစ်ပြီး ခန့်မှန်းခြေအားဖြင့် ၈ နှစ်ကြာမြင့်မှာ ဖြစ်ပါတယ်။

သတင်းအရင်းမြစ်: Source - designboom