အအေးဒဏ်ကို အကောင်းဆုံး ကြံ့ကြံ့ခံနိုင်တဲ့ ယာကွတ်မြင်းများ

ယာကွတ်မြင်း များဟာ အအေးဒဏ်ကို အကောင်းဆုံး ကြံ့ကြံ့ခံ ခံနိုင်ရည်ရှိကြတဲ့ မြင်းတွေဖြစ်ပါတယ်။ ဒီမြင်းတွေက ယာကူတီယားက ဇာတိဖြစ်ပေမယ့် လက်ရှိမှာ ရှရုားနိုင်ငံ ၊ Yakutia ပြည်နယ်ရှိ ဌာနေတိုင်းရင်းသားတွေပဲ မွေးမြူတော့တာ ဖြစ်ပါတယ်။ Yakutia မှာတော့ ဒီမြင်းမျိုးစိတ်က ၃ မျိုးလောက်ရှိပါတယ်။

အလွယ်ပြောရရင်တော့ သူတို့ဒေသတွင်းမှာတော့ တောင်ပိုင်းမြင်း ၊ မြောက်ပိုင်းမြင်း နှင့် အနောက်ပိုင်းမြင်းဆိုပြီး ခွဲခြားသတ်မှတ်ထားကြတာပါ။ အဲ့ဒီထဲမှာ မြောက်ပိုင်းမြင်းက အရပ်ပုပုလေးတွေပါ။ ယာကွတ်မြင်းတွေအားလုံးက သာမန်မြင်းတွေနဲ့ ယှဥ်ကြည့်မယ်ဆိုတော့ အရွယ်အစားက သေးပါတယ်။

ခန့်မှန်းခြေ ယာကွတ်မြင်းတစ်ကောင်ရဲ့ အရပ်က ၁၄၀ - ၁၄၅ စင်တီမီတာသာရှိပေမယ့် သူတို့ရဲ့ အလေးချိန်က တန်ဝက်ခန့်လောက် ရှိကြပါတယ်။ အများအားဖြင့် အညိုရောင်နှင့် မီးခိုးရောင်တွေက ပေါပေမယ့် အခြားရောင်တွေက ခပ်ရှားရှားပါ။ ဒါပေမယ့် ဒီမြင်းတွေမှာ သာမန်မြင်းတွေနဲ့ မတူတာကတော့ အမွေးပါ။ အမွေးတွေကတော့ တော်တော်လေးကို ရှည်လျားပါတယ်။

ပြေးလွှားတဲ့ နေရာမှာလည်း ဆီနှင်းတွေထဲ ဒါမှမဟုတ် ကြမ်းတမ်းတဲ့ မြေပြင်တွေမှာပဲဖြစ်ဖြစ် အကောင်းဆုံး သွားလာလှုပ်ရှား နိုင်ကြပါတယ်။ သူတို့က တစ်နေ့လျှင် ကီလိုမီတာ ၁၀၀ အထိ လမ်းလျှောက်နိုင်ပြီး အလေးချိန် ၃၀၀ ကီလိုဂရမ်လောက်ကို သယ်ဆောင်နိုင်ပါတယ်။ Yakutia ပြည်နယ်ရဲ့ ရာသီဥတုက နွေရာသီတွေဆိုရင် အပူချိန်က +၃၅ ဒီဂရီစင်တီဂရိတ်အထိ ရှိနိုင်ပြီး ဆောင်းရာသီတွေမှာဆိုရင် အပူချိန် -၅၀°C အထိ ကျဆင်းပါတယ်။

ဒါပေမယ့် အဆိုပါ ဒေသရဲ့ မြောက်ဘက်ရှိ Verkhoyansk နှင့် Oymyakon မှာတော့ အပူချိန် -၇၀°C ခန့်ထိ ကျဆင်းခဲ့တဲ့ မှတ်တမ်းရှိခဲ့ပါတယ်။ ဒီလောက် အပူချိန်ကျဆင်းတဲ့ ဒေသမှာတော့ ယာကွတ်မြင်းတွေအတွက် ဒါက ပြဿနာမဟုတ်ပါဘူး။ သူတို့ရဲ့ အမွေးအမှင်တွေကြောင့် အပြင်းထန်ဆုံး ဆောင်းရာသီမှာတောင် အေးဆေးစွာ နေထိုင်နိုင်ကြပါတယ်။

သတင်းအရင်းမြစ်: Source - travel