လူတွေမကြားရတဲ့အသံကို ကြားနိုင်ကြပြီး နားအရမ်းပါးကြတဲ့ ကြောင်များ

ကြောင်များဟာ 20-50 kHz အကွာအဝေး အတွင်းရှိ ကြွက်များမှ ထွက်လာတဲ့ ကြိမ်နှုန်းမြင့်အသံများကို ထောက်လှမ်းသိရှိနိုင်ပါတယ်။ ဒါကြောင့် ကြောင်ငယ်လေးများဟာ သူတို့ကိုအမဲလိုက်တတ်တဲ့ သားကောင်များရဲ့ အသံများကို သိရှိနိုင်ကြတာပါ။

ကြောင်ဆိုတာ ကြောင်မျိုးနွယ်အကုန်လုံးကို ဆိုလိုခြင်းဖြစ်ပါတယ်။ အာထရာဆောင်းဆိုတာကတော့ လူ‌‌တွေကြားရတဲ့ အကြားအာရုံရဲ့ အထက်ပိုင်း ကန့်သတ်ချက်ထက် မြင့်မားတဲ့ ကြိမ်နှုန်းများ၊ အသံလှိုင်းများ ဖြစ်ပါတယ်။လူ့အကြားအာရုံအတွက် အထက်ကန့်သတ်ချက်ဟာ 15-20 kHz အကွာအဝေး ဖြစ်ပါတယ်။ ကြောင်များဟာ 65-70 kHz အကွာအဝေးထိ ကြားနိုင်ပါတယ်။

ကြောင်များရဲ့ နားရွက်ဟာ အကြားအာရုံခံနိုင်စွမ်းကို တိုးမြှင့်ပေးတာမို့ ဒါဟာ သူတို့ကို အမဲလိုက်နေတဲ့ သားကောင်းရဲ့ အနေအထားကို ပိုမိုတိကျစွာ ညွှန်ပြနိုင်တဲ့ အသံချဲ့စက်များနှင့် တူပါတယ်။ ဒီလိုအစွမ်းကြောင့်သူတို့ဟာ သူတို့ကိုအမဲလိုက်တဲ့ သားကောင်တွေရဲ့ နေရာကိုသိနိုင်သလို သူတို့အမဲလိုက်တဲ့အခါမှာလည်း အသုံးပြုနိုင်ကြပါတယ်။ တောကြောင်မျိုးစိတ်ဖြစ်တဲ့ သဲကြောင်ဟာ နမူနာပြလို့ကောင်းပါတယ်။

ဒီကြောင်ဟာ သားကောင်ကို ထောက်လှမ်းဖို့အတွက် အသံပေါ်မှာ အားကိုးအားထားပြုရတဲ့ နို့တိုက်သတ္တဝါဖြစ်ကြပြီး ကြီးမားတဲ့ နားရွက်ကြီးလည်းရှိပါတယ်။ သူရဲ့နားဟာ ထောင်ထားလို့လည်းရသလို နိမ့်ထားလို့လည်းရပါတယ်။ ကြောင်ရဲ့ဦးနှောက်ဟာ ဘယ်နှင့်ညာ နားကြားရှိ အသံကွဲပြားမှုကို နှိုင်းယှဉ်ပြီး တိရစ္ဆာန်ရဲ့ အရင်းအမြစ်ကို ပိုမိုရှင်းလင်းစွာသိရှိနိုင်စေပါတယ်။ ကြောင်တွေဟာ အသံက ဘယ်ဘက်ကလာတာလား ညာဘက်ကလာတာလားဆိုပြီးလည်း သိရှိနိုင်ကြပါတယ်တဲ့။