ပုန်းလျှိုးကွယ်လျှိုး လုပ်နိုင်ပြီး ရန်သူကို လျင်မြန်စွာ တိုက်ခိုက်နိုင်စွမ်းရှိတဲ့ ကျောက်ငါးများ

သန္တာကျောက်တန်းငါး (Stonefish) လို့ ခေါ်တဲ့ ငါးကတော့ ကမ္ဘာပေါ်ရှိ အဆိပ်သင့်ဆုံး ငါးတွေထဲမှာ ပါဝင်ကြပါတယ်။ "stonefish" ဆိုတဲ့ နာမည်က Synanceiidae မျိုးနွယ်စုရှိ ငါးများစွာထဲက မျိုးစိတ်တစ်ခုပါ။ အချို့ကတော့ ဒီငါးကို ကျောက်ငါးလို့လည်း ခေါ်ကြပါတယ်။

အဆိုပါ ကျောက်ငါးတွေက ပုံမှန်အားဖြင့် လိမ္မော်ရောင်၊ အဝါရောင် ၊ အနီရောင် အကွက်များအပြင် အညိုရောင်ရှိပြီး သူတို့ရဲ့ အရောင်က နေထိုင်ရာ ပတ်ဝန်းကျင်ရှိ ကျောင်ဆောင်များ ၊ သန္တာကျောက်များနှင့် ဆင်တူကြပါတယ်။ ဒါကြောင့် သူတို့ကို  သန္တာကျောက်တန်းငါးလို့ ခေါ်ကြတာပါ။

ကျောက်ငါးများကို အင်ဒို-ပစိဖိတ်ဒေသရှိ အဏ္ဏဝါနေထိုင်ရာနေရာများရဲ့  ကျောက်ဆောင် (သို့မဟုတ်) ရွှံ့အောက်ခြေများမှာ တွေ့ရတတ်ပါတယ်။ ထူးထူးခြားခြား သူတို့မှာ ပုန်းလျှိုးကွယ်လျှိုး လုပ်နိုင်တဲ့ အစွမ်းသတ္တိတွေကို ပိုင်ဆိုင်ထားကြပါတယ်။ ဒါကြောင့် သားကောင်တွေကို ချဉ်းကပ်ရာမှာ အောက်ခြေကနေ ပုန်းလျှိုးကွယ်လျှိုး ချောင်းမြောင်းပြီး လျှင်မြန်စွာ ဖမ်းယူတိုက်ခိုက်နိုင်ကြတာ ဖြစ်ပါတယ်။

သူတို့ရဲ့ နောက်ကျောတစ်လျှောက်မှာတော့ အဆိပ်များထုတ်လွှတ်တဲ့  ကျောရိုး ၁၃ ချောင်းပါရှိပါတယ်။ တကယ်လို့ သင်ဟာ ပင်လယ်ကမ်းခြေတွေမှာ သွားရောက် အပန်းဖြေပြီး ရေဆော့ကစားတဲ့အခါ ဒီကျောက်ငါးတစ်ကောင်ကို အမှတ်မထင် နင်းမိမယ်ဆိုရင် သူတို့က အသက်အန္တရာယ်မစိုးရိမ်ရပေမယ့် ကိုက်ခဲခြင်း ၊ နာကျင်ခြင်း ၊ ရောင်ရမ်းခြင်း ၊ တစ်နာရီခန့်ကြာမျှ လေးတုံးခြင်း ၊ အရေပြားကင်ဆာ (တစ်သျှူးသေခြင်း) နှင့် သေဆုံးခြင်းတို့ကို ခံစားရမှာ ဖြစ်ပါတယ်။

သတင်းအရင်းမြစ်: Source - oceanconservancy