အင်ဒီးစ်ဘုရင်မ လို့ အမည်ရတဲ့ ပန်းပင်ကတော့ ကမ္ဘာပေါ်မှာ ရှားပါးမျိုးစိတ် ပန်းပွင့်မှု အနှေးကွေးဆုံးအပင် ဖြစ်ပါတယ်။ ဒီအပင်ရဲ့ မျိုးစိတ်က နေရာဒေသတိုင်းမှာ မပေါက်ရောက်ကြပါဘူး။ လီးဗီးယားတောင်တန်းများ ၃,၉၆၀ မီတာ ( ၁၂,၉၉၂ ပေ ) အမြင့်မှာပဲ ပေါက်ရောက်ရှင်သန်ကြတာဖြစ်ပါတယ် ။
အင်ဒီးစ်ဘုရင်မပင်ရဲ့ ပုံစံက အောက်ပိုင်းက လုံးဝိုင်းပြီး အလယ်မှာတော့ အလွန်မြင့်မားတဲ့ ဒေါင်လိုက်အညှာကြီးရှိပါတယ်။ သုတေသနအရဆိုရင် ဒီအပင်မျိုးစိတ်ရဲ့ သက်တမ်းက နှစ် ၈၀ မှ ၁၅၀ ခန့်အထိရှင်သန်ကြတယ်လို့ ဆိုပါတယ်။
သူ့ရဲ့အပွင့်ကတော့ ရှင်သန်ပေါက်ရောက်ခဲ့တဲ့ သက်တမ်းတစ်လျှောက်မှာ တစ်ကြိမ်မျှသာပဲ ဖူးပွင့်ကြတာပါ။ အင်ဒီးစ်ဘုရင်မပင်ရဲ့ ထူးခြားချက်ကတော့ ပန်းပွင့်ပြီးတာနဲ့ အပင်က သေသွားပါတယ်။ အလယ်ရဲ့ အညှာက ၁၀ မီတာအထိရှိကြပြီး ပန်းပွင့်ထောင်ပေါင်းများစွာအနက် အစေ့ ၈ သန်းမှ ၁၂ သန်းအထိရှိကြပါတယ်။
ဒါပေမယ့် အခုမြင်တွေ့နေရတဲ့ အင်ဒီးစ်ဘုရင်မပင်တွေက သက်တမ်း ၂၈ နှစ်လောက်ပဲ ရှိပါသေးတယ်။ ဒီအပင်တွေ ဘာကြောင့် အချိန်စောစော ပန်းပွင့်နေတာလဲဆိုတာ ကျွန်တော်လည်း မသိပါဘူး။ ရုက္ခဗေဒပညာရှင်တွေကိုယ်တိုင်က ဒါကို သုတေသန လုပ်ဆောင်ခဲ့ပြီး နေရောင်ကြောင့်လို့လည်း ယူဆခဲ့ကြပါတယ်။
သတင်းအရင်းမြစ်: Source - botanicalgarden
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။
