ဒေါင်းမျိုးနွယ်ဝင်လို့တောင် ထင်ကြေးပေးခံရတဲ့ သရဖူဆောင်းခို

ဦးခေါင်းထက်မှာ ဒေါင်းတွေလို အမောက်များပါတဲ့ Goura scheepmakeri လို့ခေါ်တဲ့ သရဖူဆောင်းခိုတွေကတော့ ခိုမျိုးစိတ်တွေမှာ အထူးခြားဆုံးပါ။  သရဖူဆောင်း ခိုငှက်တွေကို အချို့က ‌ဒေါင်းမျိုးနွယ်ဝင်လို့တောင် ထင်ကြေးပေးကြပါသေးတယ်။ သူတို့က ရှားပါးမျိုးစိတ်ဖြစ်တာကြောင့် နေရာဒေသတိုင်းမှာ တွေ့ရဖို့ဆိုတာ မဖြစ်နိုင်ပါဘူး။

 ဒါပေမယ့် နယူးဂီနီအရှေ့တောင်ပိုင်းရှိ မြေနိမ့်ပိုင်းသစ်တောများမှာတော့ ဒီငှက်တွေကို အများအပြား တွေ့ရနိုင်ပါတယ်။  သရဖူဆောင်းခိုက ငှက်ဆိုပေမယ့် ကောင်းကင်မှာပဲ ပျံသန်းနေတာတော့ မဟုတ်ပါဘူး။ ကုန်းပေါ်မှာပဲ အမြဲသွားလာ ကျက်စားနေထိုင်တဲ့ ကုန်းခိုများဖြစ်ပါတယ်။

သရဖူးဆောင် ခိုက ကျွန်တော်တို့ အနီးပတ်ဝန်ကျင်မှာ နေ့စဉ်မြင်တွေ့ရတဲ့ သာမန်ခိုတွေနဲ့ မတူတာတော့ အမှန်ပါ။ သူတို့ရဲ့ မွေးအမှင်က ရင်ဘက်ရှိ အလွန်နက်နဲတဲ့ အညိုရောင်မှလွဲပြီး ကျန်အမွေအမှင်များကတော့ အပြာရင့်ရောင်ဖြစ်ပါတယ်။

 ပြီးတော့ လှပတဲ့ ချည်သားအမောက်များလည်းပါရှိတဲ့ အပြင် တောက်ပတဲ့ အနီရောင်မျက်ဝန်းတစ်စုံကိုလည်း ပိုင်ဆိုင်ထားတာ ဖြစ်ပါတယ်။ သရဖူဆောင်းခိုများကတော့ ပျမ်းမျှအားဖြင့် ၇၀ စင်တီမီတာ ( ၂၈ လက်မ) ထိရှည်ပြီး အလေးချိန်က ၂,၂၅၀ ဂရမ်း (၅ ပေါင်) ရှိပြီး ဝိတိုရိယသရဖူဆောင်းခို ပြီးရင် သူက ဒုတိယအကြီးဆုံး ခိုမျိုးစိတ်လည်း ဖြစ်ပါတယ်။

သတင်းအရင်းမြစ်: Source - en.wikipedia