Goniurosaurus luii လို့ခေါ်တဲ့ ကျားတောက်တဲ့က တရုတ်နိုင်ငံရဲ့ တိရစ္ဆာန်ရောင်းဝယ်ရေးမှာ အတော်လေးကို အသစ်ဆန်းဖြစ်တဲ့ မျိုးစိတ်တစ်မျိုးပါ ။ ဒီတောက်တဲ့ မျိုးစိတ်က အာဖရိက အဆီဖုံးတောက်တဲ့တွေနဲ့ မျိုးရိုးဆက်စပ်ပါတယ်။ တရုတ်လူမျိုးတွေကတော့ ကျားတောက်တဲ့တွေကို အိမ်မွေးတိရစ္ဆာန်အဖြစ် မွေးမြူကြတာဖြစ်ပါတယ်။
သမာန်တောက်တဲ့တွေနဲ့ အရောင်များကွဲပြားကြပေမယ့် ကျန်တဲ့ အသွင်အပြင်က ထူးခြားတာတော့ မရှိပါဘူး။ အရွယ်ရောက်ပြီးတဲ့ တောက်တဲ့တစ်ကောင်က ၈ လက်မမှ ၉ လက်မအထိရှိကြပြီး အကောင်ပေါက်လေးတွေကတော့ ၃ လက်မဝန်းကျင်လောက်ပဲ ရှိတာ ဖြစ်ပါတယ်။ ခန္ဓာကိုယ်တစ်ခုလုံးမှာတော့ ခရမ်းရောင်၊ အဝါရောင် ဒါမှမဟုတ် အဖြူရောင်ကြိုများဖြင့် အနှံ့ရစ်ပတ်ထားတာပါ။
တဖြည်းဖြည်းနဲ့ အရွယ်ရောက်လာပြီဆိုရင်တော့ ရွှေရောင်အဖြစ်သို့ ပြောင်းလဲသွားပါတယ်။ အံ့သြစရာကောင်းတာက တရုတ်ကျားတောက်တဲ့တွေက အေးဆေးတည်ငြိမ်ပေမယ့် သူတို့ကို ကြမ်းကြမ်းတမ်းတမ်း ကိုင်တွယ်မယ်ဆိုရင်တော့ အကိုက်ခံရဖို့ ရာခိုင်နှုန်းများပါတယ်။ ပြောရမယ်ဆိုရင် အနေအေးသလောက် ဒေါသအရမ်းကြီးကြတဲ့ သူတွေပါ။ ပြီးတော့ ကိုင်တွယ်တဲ့ အခါမှာလည်း လက်ပေါ်မှာ ခုန်ပေါက်ပြီး ပြုတ်ကျတတ်လို့ သခင်တွေက အတော်လေးကို ဂရုတစိုက်နဲ့ ကိုယ်တွယ်ရပါတယ်။
ကျားတောက်တဲ့တွေ ကြိုက်တဲ့ အစားစာက အင်းဆက်တွေပါ။ ဒါပေမယ့် သူတို့ အမဲလိုက်ပြီဆိုရင်တော့ ပုရစ်တွေကိုပဲ အဓိကရွေးချယ်ကြပါတယ်။ ဒါမှမဟုတ်ရင်တော့ ဖယောင်းပိုးများ၊ အစာစားပိုးများနှင့် ဖီးနစ်သန်ကောင်များကို ရံဖန်ရံခါ စားသုံးကြပါတယ်။
သင်က တောက်တဲ့ ချစ်တဲ့သူဆိုရင် အရောင်အသွေးစုံလင်တဲ့ ကျားတောက်တဲ့လေးတွေကို မွေးမြူစေချင်ပါတယ်။ ကျွန်တော်တို့ မြန်မာနိုင်ငံက တောက်တဲ့ ချစ်သူတွေလည်း ဒီတရုတ်ကျားတောက်တဲ့တွေကို သဘောကျမိမှာတော့ သေချာပါတယ်။
သတင်းအရင်းမြစ်: Source - reptilesncritters
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။