Umibudo လို့ ခေါ်တဲ့ အစိမ်းရောင် ပင်လယ်စပျစ်သီးကတော့ ဂျပန်နိုင်ငံမှာ နာမည်ကြီး ထူးခြားတဲ့ ပင်လယ်အစားစာတစ်မျိုးလို့ ပြောလို့ရပါတယ်။ ပင်လယ်စပျစ်သီးတွေကို အိုကီနာဝါကျွန်းများတစ်လျှောက် ရေအောက်မှာ သဘာဝတိုင်းပေါက်ရောက်တဲ့ ပင်လယ်ရေမှော်တစ်မျိုးဖြစ်ပါတယ်။ သူက အခြားရေမှော်တွေလိုမျိုး အရွက်တွေတော့ အပါပါဘူး ။ ဒါပေမယ့် အဲ့ဒီအစား စပျစ်သီးစိမ်းလေးတွေနှင့် တူတဲ့ အကြည်ရောင်ပူဖောင်းလေးတွေပါတာ ဖြစ်ပါတယ်။ ပင်စည်တစ်ခုလုံး စိမ်းနေတာကြောင့် ကြည့်တာနဲ့တင် စားချင်စရာလေးပါ။
ပင်လယ်စပျစ်သီးတွေက ကာရေဘီယံဒေသမှ ဇာတိဖြစ်ပေမယ့် ပစိဖိတ်သမုဒ္ဒရာရဲ့ ဒေသများမှာလည်း ပေါက်ရောက်ကြပြီး နာမည်အမျိုးမျိုးခေါ်ကြလေ့ရှိကြပါတယ်။ ဥပမာ - ဖိလစ်ပိုင်မှာ Guto၊ Arosep သို့မဟုတ် Lato လို့ခေါ်ကြပေမယ့် မလေးရှားမှာတော့ Latok လို့ ခေါ်ကြပါတယ်။
လူတော်တော်များများက ဒီအပင်အကြောင်းကို သိချင်ကြပေမယ့် “ပင်လယ်စပျစ်သီးအရသာက ဘယ်လိုမျိုးလဲ” ဆိုတာ သိချင်နေကြပါတယ်။ ကျွန်တော်အထင်ကတော့ ပင်လယ်စပျစ်သီးအရသာက တော်တော်လေး အရသာရှိမယ့်ပုံပါပဲ။ အချို့စားဖူးတဲ့ သူကတော့ ဂျပန်ပင်လယ်စပျစ်သီးက ထူးခြားတဲ့ အရသာရှိတယ်လို့ ဆိုကြပါတယ်။
ပါးစပ်ထဲကို ထည့်လိုက်ပြီဆိုတာနဲ့ ဒီပူဖောင်းလေးတွေကို ဝါးတဲ့အခါ ပေါက်ကွဲအသံလေးနဲ့အတူ ချိုတဲ့အရသာက ပိုတောင့်တင်းပါတယ်။ သူ့ရဲ့အသာက ဝိုင်၊ စပျစ်သီးနဲ့ ကော့တေးအနည်းငယ် ပေါင်းစပ်ထားတဲ့ အရသာပါ။ ဒါပေမယ့် သမုဒ္ဒရာအရသာ အနည်းငယ် အငန်ဓာတ်တော့ ပါပါတယ်။ သင်လည်း အကယ်၍ ဂျပန်ကိုရောက်ခဲ့မယ်ဆိုရင် နာမည်ကြီး ပင်လယ်စပျစ်သီးအရသာကို တစ်ခါလောက်တော့ မြည်းစမ်းကြည့်ဖို့ အကြံပြုပါရစေ။
သတင်းအရင်းမြစ်: Source - questionjapan
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။