လူတော်တော်များများ မသိသေးတဲ့ အံ့အားသင့်စရာ ဆိတ်တွေရဲ့ အမူအကျင့်

သင်ဟာ ဆိတ်ကလေးတွေကို ချစ်တတ်တဲ့ သူတစ်ယောက်လား...? ။ ဒီတစ်ခါမှာတော့ လူတော်တော်များများ မသိသေးတဲ့ ဆိတ်ကလေးတွေရဲ့ အံ့အားသင့်စရာ အမူအကျင့်လေးတွေကို ဖော်ပြပေးသွားမှာပါ။ ဆိတ်တွေဟာ ပေါင်းသင်းဆက်ဆံရေး ကောင်းမွန်တဲ့ တိရစ္ဆာန်ဖြစ်တာကြောင့် အပေါင်းအဖော်တွေနဲ့ ခွဲခွာပြီးနေထိုင်ရမယ်ဆိုရင်  သူတို့လေးတွေက စိတ်ဓာတ်ကျတတ်ကြပါတယ်။

 ပြီးတော့ ခွေးတို့ ကြောင်တို့လိုမျိုး  ဆိတ်တွေက အရမ်းအသန့်ကြိုက်ကြပါတယ်။ ပညာရှင်တွေရဲ့ လေ့လာချက်မှာ ဆိတ်တွေဟာ အလွန်ဉာဏ်ကောင်းတဲ့ တိရစ္ဆာန်ဖြစ်တာကြောင့် သူတို့မရင်းနှီးတဲ့ အရာမှန်သမျှကို အရမ်းစူးစမ်းလိုစိတ်ရှိကြပါတယ်။

တိရစ္ဆာန်ဆိုပေမယ့် ကျွန်တော်တို့ လူသားတွေလိုပဲ အလွန် ဇီဇာကြောင်သူများဖြစ်လို့ အစာရှာစားရာမှာ သန့်ရှင်းပြီး အရသာရှိတဲ့ အစားအစာများကိုသာ ရွေးချယ်စားသောက်ကြပါတယ်။

 စိတ်ဝင်စားစရာပိုကောင်းတာက သူတို့ရဲ့ နှာချေသံကို အချက်ပေးသံအဖြစ် အသုံးပြုကြပါတယ်။ ဘယ်လိုနေရာတွေမှာ အသုံးပြုကြလဲဆိုရင်  အန္တရာယ်တစ်ခုခုနဲ့ကြုံလာပြီဆိုတာနဲ့ အချင်းချင်း သတိပေးဖို့ နှာချေခြင်းကို အသုံးပြုကြတာပါ။

ဒါက ဆိတ်မွေးမြူကြတဲ့ တောင်သူတွေတောင် သတိမထားမိတဲ့ အပြုအမူဖြစ်ပါတယ်။ ပြီးတော့ တောင်ဆိတ်တွေဆိုရင် အပင်အမြင့်တွေပေါ်တက်ရောက်ပြီး စားချင်တဲ့ အရွက်တွေကို ခူးယူစားသောက်နိုင်ကြသလို တောင်ကမ်းပါး နံရံတွေပေါ်ကိုလည်း ကောင်းကောင်းကြီး တက်ရောက်သွားလာနိုင်ကြတဲ့ တိရစ္ဆာန်ဖြစ်ပါတယ်။

သတင်းအရင်းမြစ်: Source - four-paws

.