ဟောင်ကောင်ရဲတွေဆီကနေ လွတ်မြောက်ဖို့ ထိုင်းလိင်ပြောင်းအမျိုးသမီး အဆောက်အဦးပေါ်က ခုန်ချ

ထိုင်း လိင်ပြောင်းအမျိုးသမီးတစ်ဦးဟာ ဟောင်ကောင်ရှိ အဆောက်အအုံးတစ်ခုပေါ်ကနေ Spider-man လိုတွယ်ကပ်ပြီး  အပြင်ဘက်ကို ခုန်ဆင်းနေတဲ့ ဗီဒီယိုဖိုင်ဟာ လူမှုကွန်ယက်ပေါ်မှာ ပျံ့နှံ့လာခဲ့ပါတယ်။ ပါးလွှာတဲ့ ပန်းရောင် ၀တ်စုံကို ၀တ်ဆင်ထားတဲ့ အမျိုးသမီးဟာ ရဲဆီကနေ လွတ်မြောက်ဖို့ တတိယထပ် အဆောက်အဦး ပြတင်းပေါက်ပေါ်ကို တက်သွားခဲ့ပြီး အနီးအနားရှိ ကားလမ်းပေါ်ကို ခုန်ဆင်းခဲ့ပါတယ်။

သူမ ဆင်းနေချိန်မှာတော့ လမ်းသွားလမ်းလာသူများက ရင်တထိတ်ထိတ် ရပ်ကြည့်ခဲ့ရပြီး နောက်ဆုံး 7-Eleven ဆိုင်အပြင်ဘက်ရှိ လူတစ်ဦးရဲ့ အကူအညီဖြင့် လမ်းပေါ်ကို ချောချောမောမော ဆင်းခဲ့နိုင်တာ တွေ့ရပါတယ်။ သတင်းတွေမှာတော့ အဆိုပါ အမျိုးသမီးရဲ့ အမည်ကို ထုတ်ဖော်ပြောကြားခြင်း မရှိပေမယ့် သူမဟာ အသက် ၃၀ နှစ်အရွယ် ထိုင်းလိင်ပြောင်း အမျိုးသမီး တစ်ဦးဖြစ်ကြောင်း သိရပါတယ်။

အဆိုပါ အဖြစ်အပျက်က ဟောင်ကောင်မြို့ရှိ Carnarvon လမ်း ၃၃ လမ်းမှာ စက်တင်လာလ ၂၂ ရက်နေ့က ဖြစ်သွားခဲ့တာပါ။ လိင်ပြောင်းအမျိုးသမီးအလုပ်လုပ်တဲ့ တရားမဝင် ဖျော်ဖြေရေးနေရာကို ဟောင်ကောင်ရဲအရာရှိတွေက ဝင်ရောက်စီးနင်းတာကြောင့် ထွက်ပြေးဖို့ ကြိုးပမ်းခဲ့တာလို့လည်း သိရပါတယ်။

သတင်းအရင်းမြစ်: Source - thethaig & World Forumer