အသင်းရဲ့ ကစားပုံတွေကိုအားမရတာကြောင့် အသင်းပိုင်ရှင်ရဲ့ ထုတ်ပယ်ခံလိုက်ရတဲ့ ချယ်လ်ဆီးအသင်းနည်းပြ သောမတ်စ်တူချယ်လ်

ပရီးမီးယားလိဂ် အင်အားကြီးကလပ် ၊ တစ်နည်းအားဖြင့် အသင်းကြီးလို့ဆိုရလောက်တဲ့ ချယ်လ်ဆီးအသင်း ပိုင်ရှင်ဟာ ချယ်လ်ဆီး နည်းပြဖြစ်သူ သောမတ်တူချယ်လ်ကို နည်းပြ ရာထူးကနေ တရားဝင် ထုတ်ပယ်လိုက်ကြောင်း တရားဝင် ကြေညာသွားပါပြီ။

သောမတ်စ်တူချယ်လ် ဟာ ဒီ ဘောလုံး ရာသီမှာ နည်းပြ ရာထူးကနေ ထုတ်ပယ်ခံရတဲ့ ဒုတိယမြောက် ပရီးမီးယားလိဂ်နည်းပြ ဖြစ်လာခဲ့တယ်လို့သိရပါတယ်။ အသင်းနည်းပြဖြစ်သူ တူချယ်လ်ကို ထုတ်ပယ်ရခြင်းအကြောင်းအရင်းမှာ ချယ်လ်ဆီးအသင်းရဲ့ ကစားပုံကစားနည်းတွေဟာ အတော်လေး ခြေပျက်နေတာကြောင့်ဖြစ်တယ်လို့သိရပါတယ်။

ဒီဘောလုံးရာသီမှာ အသင်းကြီး ဖြစ်တဲ့ ချယ်လ်ဆီး အသင်း ဟာ (၇)ပွဲ ကစားခဲ့ရာ နိုင်ပွဲ(၃)ပွဲ ရရှိခဲ့ပြီး သရေ(၁)ပွဲရရှိထားပါတယ်။ သို့ပေမယ့် ရှုံးပွဲ(၃)ပွဲရရှိခဲ့တာကြောင့် အသင်းပိုင်ရှင်က နည်းပြဖြစ်သူ သောမတ်စ်တူချယ်လ် ကို ထုတ်ပယ်ခဲ့တာဖြစ်တယ်လို့သိရပါတယ်။