မနေ့က ဝင်ဘလေကွင်းမှာ အမျိုးသမီး ဥရောပချန်ပီယံရှစ် ဗိုလ်လုပွဲစဉ်အဖြစ် ယှဉ်ပြိုင်ကစားခဲ့ အင်္ဂလန်နှင့် ဂျာမနီ အသင်းတို့ပွဲစဉ်မှာ လာရောက်ကြည့်ရှုသူ ပရိသတ် ၈၇၁၉၂ ဦးထိရှိခဲ့တာကြောင့် အရင်က စံချိန်တင်ထားထက်တောင် အမြင့်ဆုံးကို ကျော်ဖြတ်ခဲ့တာဖြစ်ပါတယ်။

Photo Credit - Reuters
Photo Credit - Reuters

အမျိုးသမီးယူရိုပြိုင်ပွဲအတွက် ယခင်စံချိန်ဟာ ယခုလအစောပိုင်းက အိမ်ရှင်အင်္ဂလန်နှင့် သြစတြီးယားတို့ ယှဉ်ပြိုင်ကစားမည့် အိုးထရက်ဖို့ဒ်မှာ ကြည့်ရှုသူ ပရိသတ် ၆၈၈၇၁ ဦးထိ စံချိန်တင်ခဲ့ပါတယ်။ အမျိုးသားပြိုင်ပွဲတွေမှာ စံချိန်တင်ခဲ့နှစ်ကတော့ ၁၉၆၄ ခုနှစ်ကဖြစ်ပြီး အဲ့ဒီတုန်းက ကြည့်ရှုသူ ပရိသတ် ၇၉၁၁၅ ဦး ရှိခဲ့ပါတယ် ။ မက်ဒရစ်မြို့ ဆန်တီယာဂို ဘာနေဗျူးမှာ အိမ်ရှင်စပိန်နဲ့ ဆိုဗီယက်ယူနီယံတို့ရဲ့ ဗိုလ်လုပွဲကို တက်ရောက်ခဲ့ပါတယ်။

Photo Credit - Reuters
Photo Credit - Reuters
Photo Credit - Reuters

မနှစ်က အင်္ဂလန်နဲ့ အီတလီအသင်းတို့ရဲ့ ယူရိုဗိုလ်လုပွဲကို ဝင်ဘလေမှာကျင်းပခဲ့ရာမှာ COVID-19 ကပ်ရောဂါကြောင့် ပရိသတ် ၆၇၀၀၀ လျော့သွားခဲ့တာဖြစ်ပါတယ်။ ယခုပြိုင်ပွဲအတွက် လရောက်ကြည့်ရှုသူ စုစုပေါင်း ၅၇၄,၈၇၄ ရှိပြီး ဒါဟာ၂၀၁၇ ခုနှစ်က နယ်သာလန်မှာ သတ်မှတ်ထားတဲ့ ယခင်စံချိန် ၂၄၀၀၅၅ ထက် နှစ်ဆပိုများခဲ့ပါတယ်။ တနင်္ဂနွေနေ့က ကျင်းပခဲ့တဲ့ ၂၀၂၂ ဥရောပချန်ပီယံရှစ်ဗိုလ်လုပွဲမှာ အင်္ဂလန်အသင်းက ဂျာမနီကို ၂-၁ ဂိုးနဲ့ အနိုင်ရပြီး ဒါဟာ သူတို့အတွက်ပထမဆုံး အမျိုးသမီးဘောလုံးချန်ပီယံဆုကို ဆွတ်ခူးနိုင်ခဲ့တာ ဖြစ်ပါတယ်။

Photo Credit - Reuters
Photo Credit - Reuters

သတင်းအရင်းမြစ်: Source - Reuters

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။